Yohana 6:11 - Biblía Axweesantá Hhohho' ar Mungú 2004

¹¹ Aluuwo Yesu mikaáteedá' gari óh, Mungú guri sluufiís, gari qasmiís dír mukdá' aa iwiit. Tam siyó sleeme aqo guna adoodá' laáq, ar qoomoó inooín taa slai.

Ya/abtór hho' 1977

¹¹ Aluuwo Yesu mikaáteedá' gari óh, Mungú guri sluufiís, gari qasmiís dír mukdá' aa iwiit. Tam siyó sleeme aqo guna adoodá' laáq, ar qoomoó inooín taa slai.

Yohana 6:11 Iomraidhean Croise

Matayo 15:36

Mikaáteedá' faanqw gari óh, nee siyoódae, iri sluufiís, gari parhhamiís, gari eeharuuseerós i haniís. Nee eeharuuse giri dír boo/aydií qasmís.

Luka 24:30

Qoomár tawa dinkwár i iwiít dír muruú /ayma, mukatmo guri óh, iri sluufiís, guri parhhamiís, guri hanmiís dir'ín.

Yohana 21:10

Yesu iri oó', «Siyoósíng ta ohíngw dahh, amoorí huwaare' bahh'alé.»

Yohana 21:13

Yesu mukatmo guri taataáhh, guri haniís, nee siyoódá' sleeme.

Yohana 21:9

Qoomár tawa hardáh afaá tlawi, asltá gil'ór koom, kari ár, nee gawaá asltadae siyó kwa gawaadí qaás, nee mukatmo.

Yohana 6:23

Ala miringér hatlá' ar Tiberiár daahh niri hardát iisaapoó didá' mikaáte kawa /aáy qoomár Aako iwa sluufiís.

Yohana 6:9

«Garmaako niiná diirihe i deer. Inós mikaátér kooán ga kón, ar taa tleéhh ar puuruú shayiíri, nee siyoó tsár. Ala tí gár i bu' a milá dír múk yaariír kwihe?»

Tlehhema'aá ya/Abuuse 27:35

Adoorí ooaro ngiwa hhe'eés, mukatmo guri taataáhh, Mungú guri dír geeraá muu sleémeeró wa sluufiís. Mukaatmo guri parhhamiís, /aymaro guri iimu/ún.

Rumi 14:6

Asma heedaádá' deelorka ga xuú' adór kar afhhamít, adoodá' gan tleehh as Aako. Nee slám heedaádá' mura' sleémeero gu /aáy, gun /aay as Aako, asma i Munguú sluufmiis. Nee kudaádá' /ayiimaaká, /ayma gaa máy as Aako, nee inós sleeme i Munguú sluufmiis.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

1 SAMUELI 9:13

Bara sadaté' baraá gixsa, aqo un adaá aandá', dír ira amoodár gáwtí tsa/anká iwa /aymár ay. Asma muu i /ayinká ay dír inós i hardihi, asma inós an heé muruudá' taa ilahhooár wa tsuú/ gu tsuúq, daqaní múk aáng taa dahi'ís iri /ayín. Gimsé', tsa/amé' hamí, asma qoomaarí an qoomár kuwa adaá aanda'.»