Yohana 5:45 - Biblía Axweesantá Hhohho' ar Mungú 2004

⁴⁵ Ma kaahara' aníng kuungá' nun sakwasleemuút dír Baabahe. Heé kuungá' nu sakwasleemuút i deer. An Mose, kudá' kuungá' taa harahhifé'.

Ya/abtór hho' 1977

⁴⁵ Ma kaahara' gídaabá aníng kuungá' nun sakwasleemuút dír Baabahe. Heé kuungá' nu sakwasleemuút i deer. An Musa, kudá' kuungá' taa haraxua'.

Yohana 5:45 Iomraidhean Croise

Luka 16:29

«Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

Yohana 7:19

Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Yohana 8:9

Qoomár inooín /aymi'iidá' Yesu aa oó' kiwa axaás, muner'ín giri sakwasleemút. Tiri wakeetiné' ti'inango, bariise ina giiriín, sleémeero tay faakiís. Yesu kuna kilós geexáy, nee /ameenidá' i dír geeraawós wa sihhmít.

Rumi 2:12

Mukdá' sleémeero hara'ayár Mose ga xuaaká, ala tlakweema kay tleéhh, inooín ki sakwasleemuut, tam hara'aya ka xuiikahe. Mukdá' hara'ayár Mose ga xuú', ala tlakweema kiri tleéhh, inooín ki sakwasleemuut ar hara'ayaadá'.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»