Yohana 5:4 - Biblía Axweesantá Hhohho' ar Mungú 2004

⁴ Asma siiwarkaaro malaykamoó Aako nin awdaadiit, iri baraá tlahhsadá' i dah, ma'aydá' giri xwaraanxwaar. Nee heé aa giirin baraá ma'aydá' i /etaango, tiqtirós tidá' i kon in hungú/.]

Ya/abtór hho' 1977

⁴ Asma siiwarkaaro malaykamoó Aako nin awdaadiit, iri baraá tlahhasadá' i dah, ma'aydá' giri xwaraanxwaar. Nee heé aa giirin baraá ma'aydá' i /etaango, tiqtirós tidá' i kon in hungú/.]

Yohana 5:4 Iomraidhean Croise

2 WAAWITÁ 5:10

Elisha hee guri ya/aáw amór Na'amani, nguwa bay, «Tláw, hamtlo aweek baraá yaaér Yordani sagaá wa faanqw, slaqwtók daqaní i adoodií kí/, kuúng tari hhoohhoouúr.»

WARA'AMI 119:60

An gaansluút, a tligaaká hara'ayaarók ngiwa oh.

AXWEESANOÓ SAGALOOA 6:4

Ilakaahareés gu'ute muwa ót, tam ilaawók mindiwa gufiisiyé'.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ESEKIELI 47:8

Iri báy, «Ma'ayká' in wa/aminá' baraaká guruú yaamu nginar ohiiyá' ay yaamaá Araba, nee birna hardihiyé' ma'aay tlawtá diwi ngi tsuu'usiyá'.

HOSEA 13:13

Múk Israeli asltá /ameenír xwayla gu i hardát, ala inooín a adór na/oó daktani oo qoomár xwayla gaa ay, ala qoomár xwayla bira xeér, in sii' ti'inaango baraá guruú aayooro.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

Matayo 11:12

Iimír de'emaá Yohanedá' Baatimaamiís ay hamí waawuti'iimár doori kan i qwatliit ar /uuru, nee múk /uuruú koóm ga hayoohín ar /uuru.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Luka 13:24

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Yohana 5:3

Baraá isleeridae boo/oó yaariír oo tiqtuuse aa qaqataatín, nee taampu, taqooraay nee múk aa sol'omiit, [ta ma'aá daamaarán iwa dahhiya'.

Yohana 5:5

Nee didaádae heeko i deer, oo tiqaaqiím kureeri mibeeri tám nee dakaát.

Yohana 5:7

Tiqtusmoodá' iri oó', «Aáko, aníng hee u koomaaká oo i /aytiís baraá tlahhasaár i aleeró, qoomár ma'aay birka xwaraanxwaár. Ala qoomár án bar adoorí wa mak /eét, heé hatlá' in geeraaeé' wa /eet.»

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.