Yohana 5:39 - Biblía Axweesantá Hhohho' ar Mungú 2004

³⁹ Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Ya/abtór hho' 1977

³⁹ Kuungá' tidá' taa gooín baraá Gooiro a mak tsee/ariindá', asma kawa xua', gídaabá kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Yohana 5:39 Iomraidhean Croise

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

WARA'AMI 21:4

Inós slafiingw guna dirógí firín kuri hanís, slafíngw deelór yaariir oo alhhe'eesoó koomaaká.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Marko 10:3

Yesu giri báy, «Gár Mose naa hara'ayín dirhunge a milá?»

Marko 12:10

Tam gooirí aga soomusi'iiká xáy? Tí kah, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy.

Luka 16:29

«Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Luka 16:31

Abrahamu iri oó', ‹Mose nee aaruuse birka iiárií qaasiiká, tam heé naa baraá múk aa qaátl wa waaslee/ gurbu'uto gi aleeslayká.› »

Luka 24:25

Yesu giri báy, «Kuungá' a tsuwa daktana. Kuungá' tundu tsuwa har gawdén mura' haratlintaaooro, kudá' sleémeero tinda alki/iít nee aaruuse.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 5:32

Heé hatlá' i deer oo aníng i lamabu'uúm. Nee aníng a xuú' adór lamabu'uungós kudá' aníng iwa lamabu'un tar oo ló'.

Yohana 5:36

Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Yohana 5:40

Ala kuungá' a sla'a'aaká niwa amor'eé' hardata' as slafiingw kuwa sleera'.

Yohana 5:46

Asma kuungá' geera Mose bura haratlintié', aníng sleeme geera iga haratlintié'. Asma inós kángw daanduueé' guna gooín.

Yohana 7:52

Inooín tari oó', «Kuúng sleeme kár amór ni dahh a Galiláyáro? Áx leelehheek baraá Gooiro aarusmoó Galiláyár wa ti'iít i deéro?» [

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Tlehhema'aá ya/Abuuse 26:27

Waawutmo Agrípa, kuúng aaruuse a haratlintía? Aníng a xuú' adór kar haratlintaatí'.»

Rumi 1:2

Ya/abtoorí hho' Mungú aa al'axweés iimír aáng wa ale ar afér aaruuse, kaa gooín baraá Gooír hhohho'.

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 11:35

/Ameena bahh'alé muk'ín kudá' aa qaatl guna sleér, tinda waasleé/ baraá múk aa qaátl wa ale. Bahh'alé kiri slahh'eemiís kángw kilá' wa ale, tam kiri tsuú/, ala kaa slaiiká kiwa ba/amisi asma gár ta slai a waasle/uudá' ak hhoó' kun sláy.

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.