Yohana 5:36 - Biblía Axweesantá Hhohho' ar Mungú 2004

³⁶ Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Ya/abtór hho' 1977

³⁶ Ala lamabu'úngw án ni koom ku ak úr ta kuduú Yohanuwo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme gídaabá aníng Baabá iga ya/aáw.

Yohana 5:36 Iomraidhean Croise

Matayo 11:4

Yesu giri mu/aywaáts giri báy, «Tlawsé' tí taa aandé' nee taa axasé' Yohane ti beere',

Luka 2:49

Gari báy, «Ahaá, mihar leelehhitá'? Aga xui'ikáhe adór gár án tiwa hariím, an baraá doó Baabuúeé' wa hoót?»

Yohana 10:25

Yesu iri oó', «Án kuungá' naa qaroó ádbáw, ala kuungá' án i ya/a/aanda'aaká. Gadiyeérí aníng ni tlehhiit ar umuú Baabuúeé', an tidá' aníng i lamabu'uum.

Yohana 11:37

Bahh'alé ta kaahi, «Kwí bar taampa gana ila' qaytsitís, ala gwa'arár heewí ila/aro geera gaa aleeslaykáhe?»

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 17:4

Án kuúng ugwa xirfayeés baraaká' yaamuwo, nee gadiyeédá' naa hanís, aga hhe'eés tleehhamooro.

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

Yohana 3:17

Asma Mungú Garma ngwa ya/aawiiká as muu nguwa sakwasleemuuti, ala as muu nguwa ba/amisi.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 5:32

Heé hatlá' i deer oo aníng i lamabu'uúm. Nee aníng a xuú' adór lamabu'uungós kudá' aníng iwa lamabu'un tar oo ló'.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

1 Yohana 5:9

Atén lamabu'úngw muu u ya/aa/amaán, ala lamabu'úngw Mungú ku ak úr. Lamabu'úngw Mungú a kwí oo Garmaawós nguwa lamabu'ún.