Yohana 5:25 - Biblía Axweesantá Hhohho' ar Mungú 2004

²⁵ Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Ya/abtór hho' 1977

²⁵ Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afoo ngaa axaasiye' tari waaslee/.

Yohana 5:25 Iomraidhean Croise

Luka 15:24

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Luka 9:60

Yesu guri báy, «Maweegáy múk adór tu'u tuaá muk'ín ngi foliitiye'. Kuúng tláw, waawuti'iimár Mungú alki/iituú aweek.»

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 17:1

Yesu axweesanaywí ooaro nguwa hhe'eés, iri qaytsiít gawaá doori, iri oó', «Baabá, qooma naa hardát. Garmaawók xirfayeeseek, as Garmaawók kuúng uwa xirfayeesi sleeme,

Yohana 4:21

Yesu gari báy, «Aáyo, tí ni kah haratlintieek, Qooma ni hardát, ar Baabá kuwa sluufmisa'aaká gawaá tloomarí wa ale, laqaá baraá Yerusalemu.

Yohana 4:23

Ala qooma i hardát, nee hám naa hardát, ar mukdá' sluufmiís ló' wa ale, Baabá kuwa sluufmiisi ar qeeru nee looeema, asma Baabá múk adór kwí gu leelehhiit oo gu sluufmiís.

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:28

Axweesanaywí mu waa/oo/amiimara', asma qooma ni hardát ar muu sleémeero, kuduú baraá /aantu, afór Garmoó Hee kawa axaasi.

Yohana 6:60

Múk yaariír baraá tla/ángw eeharuusér Yesuwo axweesanaydá' kuwa axaás, tari oó', «/Aymuuwí ku gawít, heé ya/aamaro gu aleesláw a heemá?»

Yohana 8:43

Ala tí án ni kah mas tsatsahhaanda'aaká? Asma kuungá' axweesante'eé' iiárií qaasaro a aleesleera'aaká.

Yohana 8:47

Heé Mungú axweesantá Mungú gaa iiárií qamín. Ala kuungá' a axamisa'aaká, asma kuungá' a múk Munguheeká.»

Yohana 9:27

Iri oó', «Aníng kuungá' naa qaroó ádbáw. Ahaá, kuungá' mas axmamisa'aaká? Mas malé axaasár wa sla'á'. Kuungá' sleeme a sla'á'a tawa eeharuuseerós tleehhita'?»

Rumi 6:4

Atén tina baatimiís as tiwa haragaasi nee Kristo, nee gwa'araarós kawa dinku'uusaan. Ala ar loohír baatiísmoorene atén tina al foól nee inós, gwa'arár inós ira gwaá' an toorén, as atén tawa hootaán ar slafíngw /abén, adór Kristo kungura waaslee/atís baraá gwa'arár wa ale ar aleesleemuú Mungú nee xirfuuwós.

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

Kolosai 2:13

Kuungá' aáng a tu'u, as tlakweemaahúng, nee as tunduwa al/utliiká, asma kuungá' tawa múk xoordaá hatlá'. Ala hám Mungú kuungá' sleeme naa slafís dinkwa nee Kristo, qoomár tlakweemaarén sleémeero ngiwa gurtláy,

Geehhoeemaá 3:1

«Kaangwí gooiimeek amór malaykamooduú múk kríshaanáy oo baraá Sardér i dirií', «Axweesantí dír i dahh a dír kudá' qeereemoodá' faanqw awa Mungú gi koóm, nee tsatse/uudá' faanqw. Aníng kángw tlehhemi'iiwók u xuú'. Kuúng tuwa xui a sláf, ala laatí kuúng aga gwá'.