Yohana 5:18 - Biblía Axweesantá Hhohho' ar Mungú 2004

¹⁸ Gawaá adoorihe múk Yahudi loohi kari ak leelehhiít ar Yesu kur gaasi. As gídaabaheeká hara'ayaadá' kilós ar deelór Sabaáto gana sií', ala sleeme as adoodá' Mungú nguwa Baabuúwós ar ateetin, asma adoorihe tin Mungúr qoomeemees.

Ya/abtór hho' 1977

¹⁸ Gawaá adoorihe múk Yahudi loohi kari ak leelehhiít ar Yesu kur gaasi. As gídaabaheeká hara'ayár deelór hungu/uma gana geeqáy kilós, ala as adoodá' sleeme Mungú nguwa Baabuúwós ar ateetín, tiwa Mungúr qoomeemeesi.

Yohana 5:18 Iomraidhean Croise

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 12:5

Slám aga soomusi'iikáhe baraá hara'ayár Mosewo? Baraadae kaa gooín adór kaahamuusér Mungú hara'ayár deelór Sabaáto ngir giqaaqeér baraá Doó Munguhe bál Sabaátoro, ala tam adoorihe taa dakuusiiká.

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 10:30

Aníng nee Baabá a wak.»

Yohana 10:33

Múk Yahudi iri oó', «Atén kuúng u tlaquutanaaká ar tlaa/e as gadiyér hho', ala gár us tlaquutaan as kuúng tawa Munguú /ooslisliin, nee as kuúng kilók tiwa Mungú tlehhit.»

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 14:9

Yesu iri oó', «Án nee kuungá' ana alhootatimaán deeloorí yaariire, án kuúng i xu'ukáhe, Filípo? Heé aníng iga ar, Baabá gwa ár. Ala kuúng mas kat, ‹Baabá laqaamang?›

Yohana 19:7

Múk Yahudi iri oó', «Atén hara'aya a koomaán. Hara'ayaarihe inós gár kuwa hariím a gwa'ara, asma inós i kaahi, ‹Aníng a Garmoó Mungú.› »

Yohana 5:15

Heedaádá' iri tláy, múk Yahudi guri xu'utisár áy iwa kaahi, «Heedaádá' aníng iga hungu/uus a Yesu.»

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 7:19

Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Yohana 8:54

Yesu inooín giri mu/aywaáts, «Án kilooeé' birti xirfayeemiís, xirfuueé' a gaarooká. Án Baabuúeé' i xirfayeemiis, inós an kudá' kuungá' tawa kata', ‹A Munguúrén.›

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

Filipi 2:6

Inós iimír iimu/uungo tlehhemuuwós a adór kuquú Mungú. Inós nee Mungú i qoná'. Ala inós ina ya/án qoomtidá' nee Mungú tawa qon ngiwa geexay.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:3

Gár taa lu'ús nee Mungú ka baloó ariiká baraá gixsarihe. Ala kitangwduú aleesleemu oo Mungú nee oo Deelmoó bee/i i baraá gixsadá' i dirii'. Nee sagadiyuuseerós inós guri baraadá' wa sluufmís.