Yohana 5:10 - Biblía Axweesantá Hhohho' ar Mungú 2004

¹⁰ Múk Yahudi heedá' taa hungu/uús kuri báy, «Laarí a deelór Sabaáto, i hariindaaká kuúng tawa hhaftuú gagariin.»

Ya/abtór hho' 1977

¹⁰ Múk Yahudi heedá' taa hungu/uús kuri báy, “Laarí a deelór hungu/uma, i hariindaaká kuúng tawa hhaftuú gagariin.”

Yohana 5:10 Iomraidhean Croise

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

YEREMIA 17:21

Anuú AAKOÓ MUNGÚ a kah, ‹Bar amohhooár slafingwhúng a sla'á', ti haramagahhe', hee huwa mingiwa gagaár deelór Sabaátoro, nee mingiwa dahaás ar afér gixsár Yerusalemu.

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

Matayo 12:10

Heeko dakós aa sol'oot i baraadí dirii'. Yesu kuri yaahaás, tari oó', «Xáy, i hariínda muu kuwa hungu/uumisi deelór Sabaátoro?» Adoorí kana oó' as kuwa sakwasleemár wa slai.

Marko 2:24

Múk Farisayo Yesu kuri báy, «Ga/aaweek, eeharuuseerók baré adór hariimaaká gan tlehhít bál deelór Sabaátoro.»

Marko 3:4

Muu guri yaahaás, «Gár hariim tleehhamoro deelór Sabaátoro a milá? Gár hhoóe laqaá gár tlaakw? Hee kuwa hungu/uúsi, laqaá kuwa gaasi» Tari xasliít.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

Luka 23:56

Tari waátl, mooyaangw kuri amohhe'eés nee di/i. Nee bál deelór Sabaátoro tari hungu/uús, ar adoodá' kara hara'ayín.

Luka 6:2

Múk Farisayo bahh'alé eeharuuse kari báy, «Adór ta tlehhita' baré i hariindaaká deelór Sabaátoro?»

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 5:11

Ala heedaádá' taa hungu/uús giri báy, «Heedá' aníng iga hungu/uus, aníng ina báy, ‹Hhaftuuwók gagaareek, tláw.› »

Yohana 5:15

Heedaádá' iri tláy, múk Yahudi guri xu'utisár áy iwa kaahi, «Heedaádá' aníng iga hungu/uus a Yesu.»

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 7:23

Ala hee bir harín al/utlooro bál deelór Sabaátoro, as hara'ayár Mose makawa sií', ala án kuungá' adór ir i buhhaabuhha' a adoomá, bar hee una hungu/uús deelór Sabaátoro.

Yohana 9:16

Múk Farisayo bahh'alé tari oó', «Heesíng i amór Mungú dahhiiká, asma hara'ayár deelór Sabaáto ga eeharahariiká.» Ala bahh'alé tari oó', «Heé tlakweemaá koóm, layár adór tí tleehhamooro adór ngir aleeslay a adoomá?» Tiri kilooín afo dakumiisiyé'.