Yohana 4:48 - Biblía Axweesantá Hhohho' ar Mungú 2004

⁴⁸ Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

Ya/abtór hho' 1977

⁴⁸ Yesu iri oó', “Bar laya nee waa/oo/amo aga aandi'iiká a haratlintia'aakáhe ló'wa ale?”

Yohana 4:48 Iomraidhean Croise

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

Matayo 16:1

Múk Farisayo nee múk Sadukayo Yesu kuri i daqáy as kuwa iiari, kuri firín layár gawaá dooraá daahh ngiwa laqan.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 27:42

«Múk hatlá' guna alee/iimiís, ala inós kilós alee/iisaro ti aleeslayká. Inós a waawutmoó múk Israeli. Axáy, i aweeri gawaá msalaábár wa ale hamír kilá', daqaní atén u haratlintiaán.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

Luka 16:31

Abrahamu iri oó', ‹Mose nee aaruuse birka iiárií qaasiiká, tam heé naa baraá múk aa qaátl wa waaslee/ gurbu'uto gi aleeslayká.› »

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 2:18

Múk Yahudi iri oó', «Layár kuúng ta tlehhit ar aleesleemuuwók gu laqaaqaam oo muruuwí kur tlehhit a gaalá?»

Yohana 20:29

Yesu iri oó', «Daxta iga haratlintí' asma iga aán. Múk amohhoó' a kudá' ga haratlintatií' tam iga ariikahe.»

Yohana 4:49

Geeraharusmoodá' iri oó', «Aáko, qwaláng dír na/ay'eé' ira gwaaiiká.»

Tlehhema'aá ya/Abuuse 14:3

Inooín tari amoodá' wa hoót deelór yaariire. Kángw Aako kuri axweés ar pihh'uuma. Aako aleesleemu guri dir'íní haniís oo layu nee muruú waa/oo/amo kuwa tlehhiiti, Aako axweesantadár daanduú gurtleemuuwós gari laqán adór tar ló'.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 2:19

Aníng muruú waa/oo/amór koóm ngu gawaá doorí wa laqaám, nee baraaká' yaamuwo layu ngiri laqaám, tseere nee asla, nee ququamó.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 2:43

Umuúqo heewo dae guri eér, asma muruú xuawaslén oo yaariír nee layu kiri tleehhiít nee ya/abuuse.

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Tlehhema'aá ya/Abuuse 5:12

Ya/abuuse layu nee muruú yaariír oo waa/oo/amór koóm guna tlehhít baraá tla/ángw muko, nee mukdá' aa haratlintii' sleémeero tana burumburimiít baraá matla/ángw Solomon.

Tlehhema'aá ya/Abuuse 6:8

Stefano i haats /uuruú Munguhe nee aleesleemuuwo, muruú waa/oo/amo guna tlehhiít, nee laydaá uren baraá tla/ángw muko.

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

Rumi 15:19

ar layaá /uuruú koomá' nee ar tlehhma'aá waa/oo/amo, nee ar /uuruú Qeeruú Mungú. Gawaá adoorihe aníng alki/ituú Ya/abtór hho' ar Kristo ugwa hhe'eés iimír Yerusalemúr wa tleemu, niri harweeriím ay dír yaamaá Iluriko.

1 Korinto 1:22

Asma múk Yahudi gár i leelehhiiti a laya. Nee múk Yunani gár i leelehhiiti a sagalooa.

2 korinto 12:12

Qoomár aníng gadiyeé ngiwa tleéhh tla/angwhúng wa ale, tlehhemi'iidá' sleémeero ina tleéhh ar qiqtliingw, kudá' aníng i laqaqaamá' adór tar ya/abusmo. Layu ina tleéhh, nee tlehhema'aá waa/oo/amo, nee tlehhema'aá aleesleemuú laqaaqamá'.

2 Tesalonike 2:9

Heedá' Tlaákw nin hardah ar /uuruú Neetlaangw, nee inós umuúqo waa/oo/amooro ga tleehh, nee layaá al/aymaaro.

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.