Yohana 4:46 - Biblía Axweesantá Hhohho' ar Mungú 2004

⁴⁶ Naagáy iri hardáh malé alé baraá gixsár Kanár Galilaya, didaádá' ma'aay ngiwa difaái tleéhh. Nee geeraharusmooko i deer oo na/aywós amór Kapernaumúr wa tiíq.

Ya/abtór hho' 1977

⁴⁶ Naagáy iri hardáh malé alé baraá gixsár Kanár Galilaya, didaádá' ma'aay ngiwa difaái tleéhh. Nee waawutmooko i deer oo na/aywós tiíq amór Kapernaumú wa ale.

Yohana 4:46 Iomraidhean Croise

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Matayo 9:18

Qoomár Yesu iwa dir'ínií axweesi naxés heeko úr oo múk Yahudi nina hardáh, guri i tumbarara'aát, iri oó', «Dasir'eé' hamír kilá' aa gwá', ala kuúng qwaláng, dakók i qaaseek, inós daqaní i sláf.»

Luka 4:23

Inós giri báy, «Án ngi slaá' kuungá' daxta i slaqsaywí beerá', ‹Aá qwaslaarámo, ti kilók hungu/us.› Nee sleeme án ngi slaá' i malé beera', ‹Muruudá' sleémeero taa axaasaán kudá' taa baraá Kapernaumúr wa tléhh, tleehheek sleeme diirihe baraá ayaawoge.› »

Luka 7:2

Lawaalmoó geeraharusmooko askaári i tiiq, i afkú bohoóngwí dirii'. Askaarmoodá' lawaalmoowós kudá' gu ló'wa slaa'.

Luka 8:42

asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Yohana 2:12

Aluuwo iri aweér ay Kapernaumu, inós nee aayoorós nee hhaeewós nee eeharuuseerós. Tari amoodá' wa hoót deelór niinawe.

Yohana 21:2

Simon Petro nee Tomas, kudá' ta bay Daangamo, nee Natanaeli oo Kanár Galilaya, nee daaqoó Sebedayo, nee múk tsár oo hatlá' baraá eeharuuseerose ta dinkwárí dirii'.

YOSHUA 19:28

ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.