Yohana 4:45 - Biblía Axweesantá Hhohho' ar Mungú 2004

⁴⁵ Yesu iwa Galiláyár i hardáh, múk Galilaya guri ilaóh asma tlehhemi'iiwós sleémeero, kudá' aa tleéhh Yerusalemuwo kaa ár, qoomár deelór ure. Asma mukwí sleeme i baraadií dirii' bál deelór ure.

Ya/abtór hho' 1977

⁴⁵ Yesu iwa Galiláyár i hardáh, múk Galilaya guri ilaóh asma tlehhemi'iiwós sleémeero kaa ár, kudá' aa tleéhh Yerusalemuwo, qoomár deelór ure. Asma mukwí sleeme i baraadí dirii' bál deelór ure.

Yohana 4:45 Iomraidhean Croise

Luka 13:1

Qoomaadár kilae mukko nina hardáh, kángw mukko Galilaya guri dír Yesú ii oó', adór Pilato ngura tsuú/ qoomár inooín tawa hikwaá ilahhooár ta tsu/i dír Mungú, tam tseerer'ín nee tidár hikwa tiri aleedók.

Luka 8:40

Qoomár Yesu niwa kií/, muu guri ilaaóh ar qwala/, asma sleémeero kun daamaarán.

Luka 9:53

Ala múk yaamuudá' gwa ilaohiiká, asma adoodá' iwa Yerusalémúr kay.

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 4:54

Gaarí a layár tsár ar Yesu aa tleéhh qoomár iwa yaamaá Yudeár dahhi, iwa Galilayár i hardáh.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.