Yohana 4:34 - Biblía Axweesantá Hhohho' ar Mungú 2004

³⁴ Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Ya/abtór hho' 1977

³⁴ Yesu giri báy, “Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 4:34 Iomraidhean Croise

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Matayo 9:19

Yesu nee eeharuuseerose tari tláy, heedaádá' kuri eehár.

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Luka 2:49

Gari báy, «Ahaá, mihar leelehhitá'? Aga xui'ikáhe adór gár án tiwa hariím, an baraá doó Baabuúeé' wa hoót?»

Yohana 17:4

Án kuúng ugwa xirfayeés baraaká' yaamuwo, nee gadiyeédá' naa hanís, aga hhe'eés tleehhamooro.

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Yohana 4:32

Yesu giri báy, «Aníng muruú /aymár kuungá' ta xua'aaká u koóm.»

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Yohana 5:36

Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Yohana 8:29

Nee kudá' aníng iga ya/aaw, inós i dinkwa nee aníng. Aníng iga kilooeé' geexayká. Asma umuúqo deelooro tidá' inós gu sla'atimis an tlehhiít.»

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.