Yohana 4:31 - Biblía Axweesantá Hhohho' ar Mungú 2004

³¹ Qoomár muu iwa hi'iiti, eeharuuseerós guna harhheehhe'eemís guri beér, «Intsaahhatusámo, ala /ayiím.»

Ya/abtór hho' 1977

³¹ Qoomár muu iwa hii'iiti, eeharuuseerós guna harhheehhe'eemís guri beér, “Intsaahhatusúmo, ala /ayiím.”

Yohana 4:31 Iomraidhean Croise

IIMU/UUNGW 24:33

Kuwa muruú /aymár i sláy, inós ina oó', «A /ayimaaká ay dír ya/abtor'eé' ngay oo'.» Labani iri oó', «Gimáy, ooang.»

Matayo 23:7

Inooín baraá boo/aywo gár ta slai a kin taaqweemiis nee kiwa babay, ‹Intsaahhatusámo›.

Matayo 23:8

Ala kuungá' mutunduwa intsaahhatuusér ar ateetín asma Intsaahhatusmoohúng a wak, nee kuungá' sleémeero a hhae.

Matayo 26:25

Yudadá' Yesu gu sakií/ iri oó', «Intsaahhatusámo, a anínge?» Yesu iri oó', «Kuúng aga ó'.»

Matayo 26:49

Siiwadár kilae Yuda niri hardáh dír Yesu, iri oó', «Intsaahhatusámo laawaay!» Guri ma'aás.

Marko 11:21

Petro kangwdá' guri insláy, Yesu guri báy, «Intsaahhatusámo, ga/aaweek, /aantsídá' taa lu'ús aa kát.»

Marko 14:45

Yuda iwa hardáh iri amór Yesu i huwís, iri oó', «Intsaahhatusámo.» Guri ma'aás.

Marko 9:5

Petro Yesu guri báy, «Intsaahhatusámo, atén a diirí diriiaán, ka hhoóeéke isleeraá tám bira tleehhaán, oo wák a kók, kuquú Mose, kuquú Eliya.»

Yohana 1:38

Yesu iri warqáy, eeharuuseedá' gu eeharahaar gari ár gari báy, «Gár ta leelehhita' a milá?» Eeharuuseedá' iri ó', «Intsaahhatusámo, kuúng dír ta hot a diimá?»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 11:8

Eeharuuse iri ó', «Intsaahhatusámo, lata'aángár /aben múk Yahudi una loohi leelehhiít as tuwa tlaquuti ar tlaa/e. Slám a amoodá' i kí/a?»

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 3:26

Yohane kuri i daqáy kuri báy, «Intsaahhatusámo, heedá' nee kuúng ti koomá' gayuú Yordaniro, kudá' kuúng taa lamabu'uún, ga/aaweek hamí i múk baatimiis, nee muu sleémeero i amoorós i daqaqáy.»

Yohana 4:30

Muu nay ti'iít baraá gixsár wa ale, kuri i daqáy.

Yohana 4:32

Yesu giri báy, «Aníng muruú /aymár kuungá' ta xua'aaká u koóm.»

Yohana 6:25

Kuri amoodá' wa ár kuri báy, «Intsaahhatusámo, xaylá kuúng naa amoorí hardát?»

Yohana 9:2

Yesu eeharuuseerós guri yaahás iri ó', «Intsaahhatusámo, heewí iimír kuwa laqwaali gár tas taampa a tlakweemaawóse laqaá awa xwayliteérós.»