Yohana 4:22 - Biblía Axweesantá Hhohho' ar Mungú 2004

²² Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Ya/abtór hho' 1977

²² Kuungá' gár ta sluufimisa' a tidá' ta xua'aaká. Ala atén an sluufimiisaán tidá' ta xuaan. Asma ba/ama amór ni dahh a amór múk Yahudi.

Yohana 4:22 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

ESRA 4:2

Serubabeli nguri i tseewuyé', nee kudá' uren awa tlahh'aá baabi'i kiri báy, «Atén a tleehhitaán dinkwa nee kuungá', asma Munguúhúng un sluufmisaán adór kuungá' wa ale, atén un ilahhooár muruú ta tsu/i hanmamisaán iimír Esar-hadoni, wawutmoó Ashuru kudá' taa diirí huuw.»

WARA'AMI 147:19

Axweesantós gan alki/iit dír múk Israeli, kaahirós nee sakwasleemaro gari dir'ín i alki/iit.

WARA'AMI 68:20

Mungú direne a Munguú ba/amiimís. AAKOÓ MUNGÚ kilós an kudá' atén ti ba/amís baraá gwa'araro.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Rumi 11:18

Ala kuúng birti xirfayeemís dír haleemiidá' hatlae, inslaweek kuúng dee/aruú xa'ano u gagariindaaká, ala a kuúng dee/aruú xa'ano un gagarín.

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.