Yohana 4:15 - Biblía Axweesantá Hhohho' ar Mungú 2004

¹⁵ /Ameenidá' guri beér, «Aáko, ma'aysíng haniisang, as kahhó' aníng mawa baloó waxiít, tam mawa sangw malé hheék.»

Ya/abtór hho' 1977

¹⁵ /Ameenidá' guri beér, “Aáko, ma'aysíng haniisang, aníng mawa baloó waxiít, tam mawa sangw malé hheék.”

Yohana 4:15 Iomraidhean Croise

WARA'AMI 4:6

Awa yaariir i kaahiya', «Heé hhooa ngi atén i laqaám a heemá? AAKOÓ MUNGÚ, atén ti i qaytsit ar gurtleemu.»

Yohana 4:16

Yesu gari báy, «Tláw, hhawaatuuwók ateetang, ni diirí hardatá' nee inós.»

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Yohana 6:34

Tari oó', «Aáko, mikaáteesíng umuúqo deelooro hanimiisang.»

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Rumi 8:5

Asma mukdá' ta sa waawuti'ii'in nee heeuumar'ín ar tlakweema, inooín muruú ta eeharahari a muruú slaqwa. Ala mukdá' taa sa waawuti'ii'in nee Qeeru, inooín muruú ta eeharahari a muruú Qeeru.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

Yakobo 4:3

Slám a mak firiiriindá', ala a slasleera'aaká asma firorhúng ka tlakw. Asma an firiiriindá' as ilatleerirhúng kawa boo/esa'.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.