Yohana 4:10 - Biblía Axweesantá Hhohho' ar Mungú 2004

¹⁰ Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Ya/abtór hho' 1977

¹⁰ Yesu gari báy, “Kiíng geera bar gurtleemuú Mungú ugwa xú', slám geera heewí kiíng i babáw, ‘Ma'aá wahaango qawáng,’ bura xú', geera alók inós ugwa firiín, nee inós geera ma'aá slafíngw koomá' ngi haniis.”

Yohana 4:10 Iomraidhean Croise

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

TI'INAANGW 17:6

Ga/aaweek, aníng a sihhiít geerawógí ale gawaá daanduú tlaa/adár Horebu, kuúng daqaní tlaa/adá' ka sláhh, nee ma'aay niqo ti'iitiyá' as muu iwa wahi.» Mose adoodá' gari tleéhh dír geeraá bariisér Israeli wa alé.

DAA'AANGW 4:15

Kiíng a adór asalmoó kutltá koóm, nee adór hhalángw ma'aá slafá', ya'aá wa/amimá' awa Lebanonír dahhá'.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 43:20

Makaá sla/a aníng iri ilaiwawa/iyá' intsaawe nee sakweluuwo, asma aníng ma'aay ngin baraá darmuú wa duúx, yau ngin baraá xaanxáy wa wa/ás. As muk'eé' kudá' naa tsawaár ma'aá wahaangw ngiwa slay.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Tlehhema'aá ya/Abuuse 9:11

Aako guri báy, «Sihhiít, tláw ay dír loohidá' ta bay Loohír aa gana'. Heé ta bay Saulo, oo yaamaá Tarso, na yaahaaseek dír doó Yudá wa ale. Inós haandá' hamí i firiirín.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 10:4

Nee slám inooín sleémeero ma'aá qeeru awa taa wahán a wak. Asma inooín nina wahané' dír tlaa/adár qeeru, tidá' inooín gaa eehat. Nee tlaa/adá' an Kristo.

2 korinto 9:15

Masók Mungú un sluufmiisaán as tsuuqaawós kuká' ló'wa ur tam alki/it ngu ya/aama'aaká.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Ebrania 6:4

Asma múk aa qaroó alií kii/, adór kungur ki/isi baraá hhu'u'úngw i alé a adoomá? Asma inooín kingina dahaás baraá gwa/aateemaá Mungú, tsuuqaá Mungú kudá' gawaá dooraá dahhá' kiri tsaáq, Qeeruú hhoohhoó' oo Mungú kuri én,

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»