Yohana 3:5 - Biblía Axweesantá Hhohho' ar Mungú 2004

⁵ Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Ya/abtór hho' 1977

⁵ Yesu iri oó', “Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 3:5 Iomraidhean Croise

Matayo 18:3

iri oó', «Án a kah, kuungá' barnaxes a warqeera'aaká tari adór na/ii tleehhitá', a baloó data'aaká baraá waawuti'iimár dooriiwo.

Matayo 19:24

Slám nu malé baw, ka inslaahh angamía iwa waarahh ar baraá fooxár laqwa, ta daqaarmo iwa baraá waawuti'iimár Mungií dahi.»

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Marko 10:14

Ala Yesu adoodá' ngiwa ár, iri ló'wa buúhh, giri báy, «Na/aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Marko 9:47

Barnaxes iltók kuúng u baraá tlakweemií gee/asliín, tu/eek ka kwáhh. A tsiní tawa dat baraá waawuti'iimár Mungú tawa heé ila wák, ta tuwa kwahhi baraá ásltí alé tawa ilaawók koon tsaraawo.

Luka 13:24

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Luka 13:3

Aasla'áy, án a kah, ala kuungá' bar hhu'u'uunda'aaká, a qwadá' adoosír kilár alé.

Luka 13:5

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

Yohana 1:13

Kudá' taa laqwaliiká adór na/iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Yohana 3:3

Yesu guri mu/aywaáts guri báy, «Ar ló' án a kah, hee burkwa sagaáwa tsár wa laqwaaliiká, waawuti'iimár Mungú ga ariiká.»

Yohana 3:4

Nikodemu iri oó', «Adór hee kur malé laqwaali a adoomá, bira heé úr tleehhiít. Adór ir guruú aayí ki/i as kunguwa sagaáwa tsár wa laqwaali?»

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

1 Korinto 2:12

Ala atén Qeeruú taa slawaán a qeeruú yaamuukaeeká, ala a Qeeruudá' amór Mungú daáhh, as atén masók muruudá' kuwa tsaahhaan oo Mungú naa diréní haniís ar qeemuuwós.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

1 Yohana 2:29

Kuungá' a xuá' adór inós tar kudá' gan'amuú koóm. Gawaá adoorihe xuaak sleeme adór umuúqo heé hota ganaá' kura laqwaál nee inós.

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.