Yohana 3:29 - Biblía Axweesantá Hhohho' ar Mungú 2004

²⁹ Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

Ya/abtór hho' 1977

²⁹ Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiár i qamín, slám afór heedaádá' duuxuxuúm gan sa qwalalaa/. Gawaá adoorihe qwal/amaayer'eé' aa bó/.

Yohana 3:29 Iomraidhean Croise

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 66:11

Kuungá' inós an du'uundá' tari axá', adór na/oó iseemaá aayorós gi du'uúm. Kuungá' sla'aarirós an watá' tari qwala/á' as yaareemaá xirfuuwós.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

HOSEA 2:19

Aníng kiíng iri sa'axweés tawa harer'eé' ar daqisleém, kiíng iri sa'axweés ar hotaá ganaa'á' nee ar sakwasleemár ganaa', nee ar sla'aarír warqawaaká nee ar gurtleemu.

Matayo 22:2

«Waawuti'iimár doori slaqsaywós a adór waawutmooko wák oo muruú /aymár úr gwa qaas as garmaawós oo duuxuuxuúm.

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 9:15

Yesu gari báy, «War/aá heé duuxuuxuúm adór ir tsuunqumiisiya' a doomá, qoomár bar ta dinkwárií dirii' nee heedaádá' duuxuxuúm? Ala deelo i hardát ar heedaádá' duuxuuxuúm kuwa hingeesi. Daqaní an qoomár inooín tawa sangw gwaawin.

Luka 15:6

Qoomár bira dó i hardáh mulqeerós gari ateet nee inslaawaywose, iri ooi, ‹Qwalalaa/aré' dinkwa nee aníng, asma bee/ir'eé' tidá' aa qwat aga sláw.›

Yohana 15:11

«Tí án ngina dirhúngí oó', as qwal/uueé' masók i baraahúng, nee qwal/uuhúng i boo/i.

Yohana 16:24

Ay hamí gár taa firiindé' i káhh ar umuueé'. Fiririimé', a sleerá', as qwal/uuhúng iwa boo/i.»

Yohana 17:13

Ala án hamí ni hardáh amoorók. Nee /aymi'iiká' aníng in baraaká' yaamuú wa káh, as qwal/uueé' masók i boo/ baraaine.

Yohana 3:30

Inós gár kuwa hariím in doogiigín, ala aníng an /aaruurúw.»

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Filipi 2:2

Ala bar adoosíng, muunuú wák koomaak, as qwal/uueé' iwa boo/i. Kuungá' kiloohúng ti sla'aslae', dinku'uumár baraá qeeru koomaak, nee umuúqo daqto ti axweesanaay axamise'.

1 Yohana 1:4

Tí ngin amorhúngií gooiimaán as tawa ló'wa qwalaa/aan.

2 Yohana 1:12

Muruú yaariír oo ni ooár wa slaa' i deer, ala nguwa baraá barwár i gooiim ar wiíno u sla'aaká. Gár ni slaa' a nin amorhúng i hardáh, nuri i axweés ar afa, asma qwal/uurén iwa boo/i.

Geehhoeemaá 21:9

Malaykamoó wák aníng iri i hardáh. Inós an malaykamoó wák baraá malaykeedár faanqwe, tidá' slooqa'aá faanqw gi koom. Slooqi'iidá' i hatsiyá' muxtaadá' faanqw ar alhhe'eesaywo. Malaykamoowí aníng iri báy, «Qwaláng amoorí, aníng dasiidár duuxo ngi laqaám, harér Deelmoó bee/i.»