Yohana 3:21 - Biblía Axweesantá Hhohho' ar Mungú 2004

²¹ Ala heé muruú ló' tlehhahhiít in hardah amór gwa/aateema, as muruudá' i tlehhahhiti iwa geehhoouy adór sleémeero kura tleéhh ar /uuruú Mungú.»

Ya/abtór hho' 1977

²¹ Ala heé muruú ló' tlehhahhiít in hardah amór gwa/ateema, as muruudá' i tlehhahhiti i geehhoouy gídaabá sleémeero kuna tleéhh ar /uuruú Mungú.”

Yohana 3:21 Iomraidhean Croise

WARA'AMI 119:105

Axweesantók a adór tsaa'asi ar aníng i geerahaar, nee gwa/aateemá baraá loohir'eé'.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

HOSEA 14:8

Aá múk Israeli, gár slaqsi'iisíng kis sla'a? Aníng firorhúng ngin mu/aywatsatsiím nee nun amohhe'emaamiís. Aníng a adór xa'anoó mahhtírhúng oo ta bay beroshi, kudá' qaantsaár daqisleém. Kuungá' mamuuhúng in dir'eé' wa sleerá'.

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

Yohana 3:20

Asma heé muruú tlákw tlehhahhiít, gwa/aateema gi slaiiká, slám amór gwa/aateemaawo sleeme i daqayká, asma muruudá' tlákw i tlehhahhiti miwa geehhooúy.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Galatia 6:8

Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Yohana 1:6

Atén bar kaahaan a al dinku'uumisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.

Geehhoeemaá 3:15

Aníng kángw tlehhemi'iiwók u xuú', adór kuúng tur tsatsa'aareeká nee slám adór tar da/a/aandaaká. Geeraawo alók a tsiní kuúng barnaxes tun tsatsa'areema hhe'eés, laqaá barnaxes an da/a/aán.