Yohana 3:13 - Biblía Axweesantá Hhohho' ar Mungú 2004

¹³ Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Ya/abtór hho' 1977

¹³ Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 3:13 Iomraidhean Croise

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 13:3

Yesu gaa xuú' adór Baabá mura' sleémeero ngura gawaá dabaawós i qaás, nee adór inós amór naa daáhh tar amór Mungú, nee hám i amór Mungú káy.

Yohana 17:5

Hám daxta Baabá, án kuúng na xirfayeesáng amoorók wa ale, ar xirfuudá' ni amoorók wa koom iimír yaamu kiwa tleehhiiká.

Yohana 3:12

Barnaxes kángw baraá yaamu ngwa oó', kuungá' a ya/a/aanda'aaká, ala adór kángw gawaá doori kur ya/aanda' tam ngu ooa.

Yohana 3:31

«Inósuudá' ni gáwtá wa hardáh, ku úr múk hatlá' sleémeero ba/a. Heé baraá yaamaá daáhh, a heé baraá yaamu, nee inós axweesanoó i axweesi oo baraá yaamu. Kudá' ni gawaá doorí wa hardáh ku úr muu sleémeero ba/a.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Yohana 6:42

Tari oó', «Ahaá, inós a Yesúwoóke, garmoó Yosefu. Slám baabuúwós nee aayoorós a kudá' ni xuaánaáke? Ahaá, mis kaahi, ‹Aníng nina gawaá doorí wa aweér.› »

Yohana 6:46

A kaahaaká heé Baabá gwaa ar i deer. Ala heé Baabá gwa ar, a kudá' amór Mungú daáhh. Kwí an kudá' Baabá ngwa ar.

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Yohana 6:62

Ala a adoomá bál Garmoó Hee bura aandé', bir tsa/a/án amoodá' geera i dahhi?

Yohana 8:42

Yesu iri oó', «Mungú geera bar baabuúhúng, án geera kuungá' iga slaé'. Asma án amór ni daahh a amór Mungú. Niri hardáh amoorí alé. Ala naa hardihiiká as sla'aarir'eé', ala án Mungú ina ya/aáw.

Tlehhema'aá ya/Abuuse 2:34

Asma Daudi inósuú kilá' aa tsa/aniká gawaá doori, ala inósuú kilá' ina oó', ‹Aako Aakooeé' guna báy, bihhaá dakw'eé' oo doó /iyáy nay iwiiteek,

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Rumi 10:6

Ala gan'amuudá' ta slaslay ar haratlintaao, gár i kaahi a tí, «Kuúng ma baraá muunaáwógí kaahaar, ‹Heé gawaá doorí tsa/ám a heemá?› » (Gídaabárós Kristo kunguwa baraá yaamií huwi.)

1 Korinto 15:47

Heé geera dír i dahhi a baraá yaamu, gár kura tleéhh a hhape. Ala heé tsár dír i dahhi a gawaá doori.

Efeso 1:23

nee mukdá' tawa slaqwtós. Mukwí sleémeero aa haáts inose, inósuudá' umuúqo gaaro ga boo/eemiís baraá muu sleémeerowo.

DABE 30:12

I gawaá doorí diri'ká tam kuungá' tay oa', ‹Heé gawaá doorí tsa/ám as atén a heemá, as kahhó' ngiwa amoorén i huwi, as atén kawa axasaan nee kawa iialooeesaan?›