Yohana 21:19 - Biblía Axweesantá Hhohho' ar Mungú 2004

¹⁹ Adoorí gana oó' as ngiwa laqan loohír Petro ir gwaai ar Mungú ngur xirfayeesi. Yesu adoorí ooaro ngiwa hhe'eés, iri oó', «Án eeharáng.»

Ya/abtór hho' 1977

¹⁹ Adoorí gana oó' as ngiwa laqan loohír Petro ir gwaai ar Mungú ngur xirfayeesi. Yesu adoorí ooaro ngiwa hhe'eés, iri oó', “Án eeharáng.”

Yohana 21:19 Iomraidhean Croise

FAARO 14:24

Ala sagadiyusmooeé' Kalebu a heé dimbé, inós aníng ina eehár ar muunaáwós sleémeero. Aníng inós u huúw ay baraá yaamuudá' aa adaráh, inós nee xwaylarós kiri aal.

Matayo 10:38

Umuúqo heewo oo msalaábarós gaa gagaariiká nee naa aluueé' wa eeharinká, inós i aníng wa harinká.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 8:22

Ala Yesu guri báy, «Án eeharáng. Mawaagáy múk adór tu'u, tuaá muk'ín ngi foliitiye'.»

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 12:33

Adoorí gana axweés as ngiwa laqan adór inós ir gwaai a adoomá.

Yohana 18:32

Tí ina tleehharút as /aymuudá' Yesu aa oó' iwa boo/i. Asma inós loohír ir gwaai gaa geerií oó'.

Yohana 21:18

Án a kah, qoomár kuúng tawa masoomo, inqwaari an afeetlí tsegaagít kuúng kilók, nee an tleér amór kuúng ta sla'. Ala bar aga diín, dabaawók in gan'ás, nee heé hatlá' uri tseek nee urir tláy amoodá' kuúng ta sla'aká.»

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

2 Petro 1:14

Asma aníng a xuú' adór qooma ira naká/ ar aníng niwa gwaá'. Asma Aakoorén Yesu Kristo aníng iga ádbáy.

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.