Yohana 21:16 - Biblía Axweesantá Hhohho' ar Mungú 2004

¹⁶ Yesu iri malé oó' sagaáwa tsare, «Símon, garmoó Yohane, án kuúng i slá'a?» Petro iri oó', «Eeít Aáko, kuúng a xú' adór án kuúng ur slaá'.» Yesu iri oó', «Bee/angw'eé' de'eemeek.»

Ya/abtór hho' 1977

¹⁶ Yesu iri malé oó' sagaáwa tsare, “Simóni, garmoó Yohana, án kuúng i slá'a?” Petro iri oó', “Eeít Aáko, kuúng a xú' adór án kuúng ur slaá'.” Yesu iri oó', “Bee/angw'eé' de'eemeek.”

Yohana 21:16 Iomraidhean Croise

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Matayo 25:32

xoordu sleémeero niri dír geeraawósí burumbuuritiyá', giri partliit adór de'eemusmo bee/aangw nee aara ngir partlaatliti.

Matayo 26:72

Petro iri malé tlaánk ar lo'o, iri oó', «Án heesíng u xuaaká.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Yohana 18:17

Dasiidá' afkú doó ga/aw, Petro guri beér, «Kuúng a eeharusmoó wák oo heewíheéke?» Inós iri oó', «A aningeeká.»

Yohana 18:25

Qoomaadae Simon Petro i sihhimiit i axwaneemisi. Múk hatlá' didaádae iri oó', «Kuúng a eeharusmoó wák oo heedáeéke?» Ala Petro iri tlaánk iri oó', «A aningeeká.»

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

1 Petro 2:25

Kuungá' aáng a adór bee/ángw aa qwaar, ala hám daxta naa ki/é' amór de'eemusmo nee xuumusmoó munerhúng.

1 Petro 5:2

Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»