Yohana 20:9 - Biblía Axweesantá Hhohho' ar Mungú 2004

⁹ Asma inooín tidá' Gooi i kat kaa tsaahhiiká, tidá' kah, inós gár kuwa hariím aqo in waaslee/.

Ya/abtór hho' 1977

⁹ Asma inooín tidá' Gooi i kat kaa tsaahhiiká, ar gídaabá inós gár kuwa hariím aqo in waaslee/.

Yohana 20:9 Iomraidhean Croise

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 22:15

Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Luka 9:45

Ala inooín tidá' i kaahi kaa tsaahhiiká. Inooine kaa luú/ as makawa tsaáhh. Yaahasto kuri da'ayuút, gídaabár axweesantadae.

Yohana 2:22

Aluuwo qoomár inós niwa waasleé/ baraá múk aa qaátl wa aleeró, eeharuuseerós kangwdá' Yesu aa káh guri insleér. Gooidá' gari haratlintí', nee /aymuudá' Yesu aa kaahi.

Tlehhema'aá ya/Abuuse 17:3

Axweesantá Mungú gari dir'ín i gwa/atimís nee gari alki/iít adór Kristo gár kuwa hariím aqo kun slahh'eemiis, nee niri waslee/ baraá múk aa qaátl wa ale. Iri oó', «Yésuuwí kaangós án ni alki/iit, inós an Kristo.»

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

1 Korinto 15:4

nee kuri foól, nee bál tame iri waasleé/ ar adoodá' Gooi ngir kat,