Yohana 20:22 - Biblía Axweesantá Hhohho' ar Mungú 2004

²² Aluuwo tí ooaro ngiwa hhe'eés, giri i hiínsl, giri báy, «Qeeruú hhoohhoó' oo Mungú ilaoohaak.

Ya/abtór hho' 1977

²² Aluuwo tí ooaro ngiwa hhe'eés, giri i hiínsl, giri báy, “Qeeruú hhoohhoó' ilaoohaak.

Yohana 20:22 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

YOBU 33:4

Qeeruú Mungú aníng ina tleéhh, nee hiinsluú Munguú Aleesleemusmo ina slafís.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

ESEKIELI 37:9

Aluuwo AAKOÓ MUNGÚ iri báy, «Heewí, afkueé' /ayeek aariím, fur'a kabeeto, Aakoó MUNGÚ i kaahi, Xáy fúr'a, qwaláng bihhe sleémeerowo nee fukuku'uút dír slaqooká' naa qatliye', kahhós i slafiyá'.»

Yohana 14:16

Án Baabá u firiím, nee inós alee/isusmoó hatlá' ngu haniis as iwa dirhúng wa hooti ay alhhe'eesay wasle.

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 20:23

Bar kuungá' tlakweemaá muu iga gurtleeré', kaa gurtláy. Kuungá' bira gurtleeri'iiká, kaa gurtlayká.»

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 10:47

«Heé ma'aay gi /itiím a heemá ar mukwí kus baatisiiká. Asma mukwí Qeeruú hhoohhoó' oo Mungú gwa ilaaóh adór atén wa ale.»

Tlehhema'aá ya/Abuuse 19:2

giri yaahaás giri báy, «Kuungá' Qeeruú hhoohhoó' oo Mungú ugwa ilaotí'i qoomár tawa haratlintié'?» Tari oó', «Aasla'áy, adór Qeeruú hhoohhoó' ir deér tam axaasaro una qo axaasaniiká.»

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 4:8

Petro i haats Qeeruú hhoohhoó' oo Munguhe, iri oó', «Kuungaásingaá geeraharuusér muu nee bariise,

Tlehhema'aá ya/Abuuse 8:15

Ya/abuuseedá' tsár iwa amoodií hardát, mukdá' aa haratlintii' kuri aleefirín as Qeeruú hhoohhoó' oo Mungú kuwa ilaaoohi.

Galatia 3:2

Aníng gár wák a xu'utír wa slaá', kuungá' Qeeru una ilaaoti'i as hara'aya kawa eehadé', laqaá as Ya/abtór hho' kawa axasé' nee kari haratlintié'?