Yohana 20:20 - Biblía Axweesantá Hhohho' ar Mungú 2004

²⁰ Qoomár /aymuuwí ooaro nguwa hhe'eés, dabaawós giri laqán, nee bihiiwós. Eeharuuseerós iri qwalaalá/ asma Aako nguwa aán.

Ya/abtór hho' 1977

²⁰ Qoomár /aymuuwí ooaro nguwa hhe'eés, dabaawós giri laqán, nee bihiiwós. Eeharuuseerós iri qwalalá/ Aako nguwa aán.

Yohana 20:20 Iomraidhean Croise

Matayo 28:8

Tari tláy ar gaanslaay dír /aantár wa ale, ar dae nee qwal/uú úr. Tari ta'aaín, eeharuuse kari ádbeemuú áy.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

Yohana 19:34

Askaarmoó wák bihhaá Yesu giri muút ar lawala, nee hamtidár kilae tseere nay ti'ít nee ma'aay.

Yohana 20:25

Eeharuuseedár hatlá' guri beér, «Atén Aako ugwa araán.» Tomas giri báy, «Aníng barnaxes mulkayduú misumari oo gawaá dabaawós bura ariiká, nee diitsar'eé' bara qaasiiká baraá mulkáydá', nee slám dakw'eé' bura qaasiiká baraá bihhiiwós i alé, aníng a baloó ya/aamaaká.»

Yohana 20:27

Aluuwo Yesu iri oó' dír Tomas, «Diitsarók diirí qaaseek, nee dabaaeé' i qaytsiteegáy. Bihhiieé' kwatiiteek dakoge. Insareehhi maweek, ala haratlintií'.»

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.