Yohana 20:1 - Biblía Axweesantá Hhohho' ar Mungú 2004

¹ Bál Jumapiíliro Maria Magdalene ina amór /aantár keér matlaatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkú /aantaro.

Ya/abtór hho' 1977

¹ Bál Jumapili Mariamu Magdalene ina amór /aantár keér matlatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkwá /aantaro.

Yohana 20:1 Iomraidhean Croise

Matayo 27:56

Baraaine heé dáw a Maria Magdalene, nee Maria aayór Yakobo nee Yosefu, nee aayór doó Sebedayo.

Matayo 27:60

Gari qaás baraá baa'aarós ar /aben, tidá' aa foól gawaá tlaa/a as inós. Tlaa/ár yangaariir gari gwangwaraá' gawaá afkú /aantaadá' i aleeró, iri quútl.

Matayo 27:64

Gawaá adoorihe hara'aya haniseek /aanta ka xun ay bál tám. Aluuwo eeharuuseerós munguwa fiisór eér, nee muu guri beer, ‹Aa waasleé/ baraá múk aa qaátl wa ale.› Al/aymár alhhe'eesaay tidár geera gari bá/.»

Matayo 27:66

Tari tláy, duguno kuri qaás gawaá tlaa/adá'. Askaári kari qaás as /aantadá' ngiwa xuun.

Matayo 28:1

Tam deelór Sabaáto iwa fák, matlaatlér boo/ ar deelór Jumapiíliro, Maria Magdalene nee Maria tidár tsár tana /aantár qaytsuú áy.

Matayo 28:2

Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.

Marko 15:46

Yosefu inqwaarír taa tleéhh ar kitaáni gari tlaáxw, slaqwtá Yesu gari gawaá msalaábár wa aweeriís, gari untsuús ar inqwaaridá', gari qaás baraá baa'ár taa foól gawaá tlaa/a. Tlaa/ár hatlá' gari gwangwaraá' gari afkú baa'aadár tuuntuúk.

Marko 16:9

Bál Jumapíli matlaatleero Yesu iwa waasleé/, heé aa geerií harati'iít a Maria Magdalene, tidár aáng neetlaamér faanqw ngiwa duxún.

Yohana 11:38

Yesu iri amoqwaqwadín malé alé baraá muunaáwose, iri hardáh ay dír /aanta. /Aantadá' kaa baraá guruú tlaa/ár i foól, nee tlaa/ár hatlá' kari afkudí qaás.

Yohana 11:41

Tlaa/adá' kari hingeés. Yesu iri gáwtí qaytsiít, iri oó', «Baabá, án kuúng un sluufiís, asma án kuúng iga iiárií qás.

Yohana 19:25

Didár msalaábaro aayór Yesu aa didí sihhít, nee hho'oorós nee Maria, harér Kleopa, nee Maria Magdalene.

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.