Yohana 2:11 - Biblía Axweesantá Hhohho' ar Mungú 2004

¹¹ Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Ya/abtór hho' 1977

¹¹ Layaarí Yesu aa tleéhh amór Kanár Galilayár wa ale, a layaarós ar har geera. Aleesleemuuwós guri geehhooutís, nee eeharuuseerós guri haratlintí'.

Yohana 2:11 Iomraidhean Croise

1 WAAWITÁ 17:24

/Ameenidár kwaalo'o Eliya guri beér, «Ar looeemaawo án daxta aga tsaáhh adór kuúng tar heé Mungú, nee axweesantadár AAKOÓ MUNGÚ ta kat ar ló'.»

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 96:3

Kángw xirfuuwós alki/iitaak dír xoordu, kángw tlehhmi'iiwós awa waa/oo/amór koomá' alki/iitaak dír muu sleémeero.

TI'INAANGW 14:31

Múk Israeli gadiyeédá' ur ar AAKOÓ MUNGÚ aa dír múk Misrírí tleéhh kari ár. Naagáy inooín AAKOÓ MUNGÚ nguri ilaiwawa/iyé' nguri haratlintii'iyé', nee sagadiyusmoowós Mosewo.

TI'INAANGW 4:9

Ala barnaxés inooín naa haratlinti'ii'iiká layuuká' tsare, laqaá kuúng ugwa iiárií qaasi'iiká, daqaní ma'aá yaaér Nili ki iihhék, ki ku'ús baraá yaamaá kaahaar. Nee ma'aydá' taa iihhek baraá yaaér Nilír wa alé, i tseere tleehhitiyá' baraá yaamuudá' kaahare.»

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu guri báy, «Aníng eeharáng.»

Yohana 1:50

Yesu guri báy, «Gár tasa haratlintí' a tidaádá' uwa báwi, ‹Án kuúng una qaroó ár qoomár kuúng tawa baraá guruú /aantsír i diri'›? Ala muruú urén oo kwí gu baá/ u aán.»

Yohana 10:41

Múk yaariír Yesu guri i daqáy tari oó', «Yohane layár aa tleéhh i mak káhh, ala tidá' sleémeero Yohane aa káh daanduú heewihe, ar ló'.»

Yohana 11:15

Aníng a qwalalaá/ as kuungá', asma qoomaadae a amoodá' i diriiaaká. As kahhó' kuungá' tawa haratlintia'. Ala gusé' amoorós.»

Yohana 11:47

Kaahamuusér uren ar Mungú nee múk Farisayo, mukduú doó kwasleemár ur kuri ateét tari oó', «Adór heewí ku laqaan a adoomá? Asma heewí layaá yaariir gi tlehhiit.

Yohana 12:18

An gár Yesu kusa al'áy nee múk yaariír, asma kángw layaadá' aa tleéhh kuna axaás.

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

Yohana 14:13

Nee umuúqo gár kuungá' ta fiririinda'a ar umuueé', án ngi tleéhh, as Baabá iwa xirfuuti ar baraá Garma.

Yohana 16:27

Asma Baabá inósuú kilá' kuungá' nu slaa', asma án kuungá' i sla'á', nee kari haratlintié' adór aníng nir amór Baabá daáhh.

Yohana 16:30

Atén aga xuaán adór mura' sleémeero kuúng kur xú', nee slám gaa i káhh ar hee kuúng uwa yaahasi. Gawaá adoorihe aga haratlintiaán adór kuúng tar amór Mungú dáhh.»

Yohana 2:1

Bál tame duuxo i deer baraá Kana, gixsár yaamaá Galilaya. Nee aayór Yesu i baraadií dirí' sleeme.

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 4:3

Yesu adoodá' ngiwa tsaáhh, yaamaá Yudea gay geexáy, iri malé tláy ay yaamaá Galilaya.

Yohana 4:46

Naagáy iri hardáh malé alé baraá gixsár Kanár Galilaya, didaádá' ma'aay ngiwa difaái tleéhh. Nee geeraharusmooko i deer oo na/aywós amór Kapernaumúr wa tiíq.

Yohana 4:54

Gaarí a layár tsár ar Yesu aa tleéhh qoomár iwa yaamaá Yudeár dahhi, iwa Galilayár i hardáh.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Yohana 6:14

Nee muu waa/oo/amoodá' Yesu aa tleéhh ngiwa ár, tari oó', «Aarusmoodá' ni baraá yaamií hardáh a kwí tsuwá alé.»

Yohana 6:2

Boo/oó úr oo muu Yesu gway eehár, asma layuudá' Yesu aa dír tiqtuuseérií tleéhh.

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Yohana 6:30

Tari oó', «Layár kuúng ta tlehh a gaalá? Atén i laqaamang, as atén kawa araan, nee kuúng uri haratlintiaán. Gadiyér kuúng ta tlehh a milá?

Yohana 7:31

Tam adoorihe múk yaariír baraá boo/aydae Yesu guri haratlintií', tari oó', «Ahaá, Krísto bál bindi hardah, layár yaariir ar tír heewí ga baa/ ga tleéhhi?»

Yohana 9:16

Múk Farisayo bahh'alé tari oó', «Heesíng i amór Mungú dahhiiká, asma hara'ayár deelór Sabaáto ga eeharahariiká.» Ala bahh'alé tari oó', «Heé tlakweemaá koóm, layár adór tí tleehhamooro adór ngir aleeslay a adoomá?» Tiri kilooín afo dakumiisiyé'.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

DABE 5:24

Inooín tari oó', ‹Iia qaaseek! AAKOÓ MUNGÚ, Munguúrén taa xirfuuwós i laqán nee uraywós, afoorós aga axaasaán baraá tla/ángw asltádá'. Laarír kilá' Mungú ugwa araán iwa axweesi nee hee, slám kitángw hee iwa gwaai ina kumiít hotaawo.

1 Yohana 5:13

Kaangwí nguna kuungá' i gooiím, asma kawa xua' adór slafíngw alhhe'eesay wásl kur koonda', kuungaádá' umuú Garmoó Mungú ugwa haratlintie'.