Yohana 2:10 - Biblía Axweesantá Hhohho' ar Mungú 2004

¹⁰ gway báy, «Umuúqo heewo difaáír tsuu' gan geerií haniis dír muu. Ala muu bira hhe'eés wahaango, aluuwo tidár maánjirí gari duux. Ala kuúng difaáír tsuu' ana aluutís ay hamí.»

Ya/abtór hho' 1977

¹⁰ gway báy, “Umuúqo heewo difaáír tsuu' gan geerí haniis dír muu. Ala muu bira hhe'eés wahaango, aluuwo tidár maánjirí gari duux. Ala kuúng difaáír tsuu' ana aluutís ay hamí.”

Yohana 2:10 Iomraidhean Croise

IIMU/UUNGW 43:34

Muruú /aymaadá' gawaá meésár Yosefu i dirií', Yosefu guri amor'ín i qasmiís, muruú /aymár Benyamini kuna tlahhás sagaáwa kooán wa ale ta oo múk hatlae. Tari wahán, tay dinkwár wa qwalaalaá/.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

Matayo 24:49

sagadiyuusér doó aakoowós gari muxtár áy, iri /ayín nee iri wahán dinkwa nee ooniituuse.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Tlehhema'aá ya/Abuuse 2:15

mukwí aa oonimiitiiká adoosíng kuungá' kar kata', asma qoomaarí a looár tám ar matlaatle.

1 Korinto 11:21

Asma qoomár /aymaaro umuúqo heewo muruú /aymaarós gun kilós /aay. Ala gár aluudá' ngi haar a heé wák in didá' wa iwiwiit ar qwari, ala kuqá' aa qaroó ooniít.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

1 Tesalonike 5:7

Asma mukdá' guú', i guaain a xweera, nee mukdá' ooniimiít, i oonimaamiti a xweera.

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.