Yohana 19:29 - Biblía Axweesantá Hhohho' ar Mungú 2004

²⁹ Nee didaádae xooslmo i deer oo difaáír qarqaár koóm warqamooko kuri difaáidá' qarqaárár tikiís, kuri siíhh gawaá daaír hisoópo. Warqamoodá' kuri afkú Yésúr kwatiít.

Ya/abtór hho' 1977

²⁹ Nee didaádae xooslmo i deer oo ma'aá qarqará' koóm, awa taa tsoó/ baraá na/'aá xaaí wa ale. Warqamooko kuri tikiís ar ma'aydá' qarqará', kuri siíhh gawaá daaír hisopo. Yesu kuri wahaás ar warqamoodá'.

Yohana 19:29 Iomraidhean Croise

1 WAAWITÁ 4:33

Kángw xaai guna káh, iimír sahhtír yaamaá Lebanoni nee xa'anoó ta bay hisoópo, kudá' koo/ír do' gaa alti'iit, slám kángw daanduú makaay guna axweés nee oo tsir/ooro nee daa'aweemaá makaá qanhhuumisá' nee kudá' tseerdu tsatsaa'aren nee siyó.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

TI'INAANGW 12:22

Loo/ór xa'anoodá' ta bay hisoópo leehhaak, ka tikís ar tseerér baraá qwaree/amoówí dirii', ka slík gawaá maandár do' nee gawaá nahhtá do' badu tsaraawo. Hee tumu wák miwa tsee/ií ti'iít xweeraadae ay matlaatle.

FAARO 19:18

Heé daba' hhohhó' xa'anoó ta bay hisoópo ngu taataahhi, nee ngu tikiisi baraá ma'aydá', ngi hikiisi baraá heéma, nee gawaá xoosla sleémeero ar baraá guruudá' nee gawaá muu sleémeero oo baraadá' i dirií'. Nee ka hikiisi gawaá heedá' fara ga kwatiit, laqaá tuuár heé taa gaás, laqaá tuuár heé aa kilós gwaa', laqaá heé /aanta gaa kwatiit.

Matayo 27:34

difaáír taa garka qarqaárár aleedoók kari haniís. Ala ngiwa tsaáq, gay sií' wahto.

Matayo 27:48

Hamtidár kilae heeko wák dir'ine iri ta'aaín, warqamooko guri tikiís maraá difaáír qarqaar gari siíhh gawaá afkú daai, Yesu guri wahaás ar warqamoodá'.

Matayo 27:50

Yesu iri malé tseé' ar afór ur, iri tsatiít.

Marko 15:36

Heeko wák niri amorqá' wa ta'aaín, warqamooko guri tikiís baraá difaáír qarqaar, guri siíhh gawaá afkú daai, Yesu guri wahaás ar warqamoodá' i kaahi, «Lakiité' u araán, axáy Eliya ngu aweerisár aya.»

Luka 23:36

Askaári sleeme guna niqimís, guri harasáp, guri ma'aá qarqaár i hanís, awa taa tsoó/ gawaá mamaá sabiíbuú wa ale.