Yohana 19:17 - Biblía Axweesantá Hhohho' ar Mungú 2004

¹⁷ Yesu iri ti'iít, i msalaábarós loohiis, ay dír ta bay «Fartá saga» (tsifrír Ebraniaro ka bay Golgota).

Ya/abtór hho' 1977

¹⁷ Yesu iri ti'iít, i msalaábarós loohiis, ay dír ta babay “Fartá saga” (tsifrír Ebraniaro ka babay Golgota).

Yohana 19:17 Iomraidhean Croise

IIMU/UUNGW 22:6

Abrahamu migíruuduú ilahhooadár da/a guri tsa/aás gawaá ságw Isaka garmaawós. Inósuú kilá' dakose asla nee tsataywo giri óh, tsaraawo tari altláy.

1 WAAWITÁ 21:13

Mukdaádá' tsár oo lamuuse iri iwiít Naboti nguri ilií duxuné', muu nguri bayé', «Naboti Mungú nee waawutmo gaa /ooslislín.» Naboti kuri duúx tsee/aá gixsárí ale, kuri tlaquút ar tlaa/e, kway gaás.

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

Matayo 10:38

Umuúqo heewo oo msalaábarós gaa gagaariiká nee naa aluueé' wa eeharinká, inós i aníng wa harinká.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 27:37

Nee gawaá ságw msalaábarose gadá' kusa sakwasleemuút kari gooín tidá' kah, «Heewí a Yesu, waawutmoó múk Yahudi.»

Marko 10:21

Yesu guri i qaytsiít, guri slaá', guri báy, «Gár wák uga wa /aaruúr. Tláw, muruudá' ta koon sleémeero weeriseek, ku narkuutér i hanmís. Tók ar yaariir a gawaá doorí eér. Bara hhe'és, ni hardát, aníng ir eehát.»

Marko 15:26

Gadaádá' kusa sakwasleemuút kaa gawaadií gooín ar /aymi'iiká', «Waawutmoó múk Yahudi.»

Marko 15:32

Kristo, Waawutmoó múk Israeli, daxta ni aweeri gawaá msalaábaro, atén ku araán, daqaní u haratlintiaán.» Tam mukdá' nee inós taa alkikií' sleeme kuri tloqmiís.

Marko 8:34

Boo/ayduú muu guri ateét, nee eeharuuseerose, giri báy, «Umuúqo heewo bar aníng i eehartá wa slaa', gár kuwa hariím a sla'aarirós gan gunqarees, msalaábarós gari gagaar, aníng iri eehar.

Luka 14:27

Hee barnaxes msalaábarós gaa gagaariiká, nee naa aluueé' wa eeharinká, i eeharusmooeé' tleehhitiiká.

Luka 23:26

Yesu kurir tláy, heeko ta bay Simon nee inooín tiri doogiyé'. Inós a heé yaamaá Kirene. Inós i aykú daahh, i baraá gixsár káy. Kuri óh, kuri msalaábár i tsa/aás as ngiwa gagaari alaá Yésú wa ale.

Luka 23:33

Nee tawa hardáh dirka ta babay «Fartá saga», Yesu nee mukduú tlakuuse kiri alkiki'ín, oo wák dákw doó /iyáy oo Yesu nee kuqá' dákw doó basáy.

Luka 23:38

Nee gawaá msalaábarose /aymi'iiká' kina gawaadií gooín, «Heewí a waawutmoó múk Yahudi.»

Luka 9:23

Sleémeero giri báy, «Umuúqo heewo bar anií eehartá wa slaa', sla'aarirós ngi gunqareesi, msalaábarós ngi gagaari umuú deelooro, aníng i eehari.

Yohana 19:13

Pilato axweesantí ngiwa axaás, Yesu ngway tsee/aá i huúw. Pilato iri iwiít gawaá kitángw sakwasleema, didár ta bay Tlaa/ár Tlambaraáhh (tsifrír Ebraniaro ka babay Gabata).

Yohana 5:2

Nee amoodár Yerusalemuro dír afkuko ta babay afkú Bee/aangw, tlahhsár ma'aay i deer. Tsifrír múk Ebraniaro a Betesda. Nee dír tlahhsaadae isleeraá kooán i dayá'.

Tlehhema'aá ya/Abuuse 7:58

Kuri duúx tsee/aá i alé gixsaro, kuri tlaquút ar tlaa/e. Nee lamabu'uuse inqwaruuín guri qás dír ya'aá garmaako ta bay Saulo.