Yohana 18:37 - Biblía Axweesantá Hhohho' ar Mungú 2004

³⁷ Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Ya/abtór hho' 1977

³⁷ Pilato iri oó', “Ala kuúng a waawutmoówoóke?” Yesu iri oó', “Kuúng an kát gídaabá aníng a waawutmo. Aníng gár tisa laqwaál nee gár nisa hardáh baraaká' yaamí alé, a tí kilós, ‘Iidíguú looeema nguwa kah. Umuúqo heewo oo bartá looeema, axweesante'eé' ga axamiis.’”

Yohana 18:37 Iomraidhean Croise

ISAYA 55:4

Ga/aaweek, aníng ugwa geeraharusmoó xoordú wa qaás, nee geeraharusmoó slaqwaruuse as aníng iwa lamabu'un dír muko.

Matayo 26:64

Yesu iri oó', «Kuúng aga ó'. Ala án a kah, iimír hamí Garmoó Hee u aandá' aa iwiít dákw doó /iyáy oo kudá' aleesleemuú koóm, nee nay kii/ ar huunkoó doori.»

Matayo 27:11

Yesu iri sihhiít dír geeraá ga/aawusmo. Ga/aawusmo Yesu guri yaahaás iri oó', «Kuúng a waawutmoó múk Yahudíro?» Yesu iri oó', «A adoosíng kuúng ta kat.»

Marko 14:62

Yesu iri oó', «Aníng an inós. Kuungá' sleeme Garmoó Hee u aandá' aa iwiít dákw doó /iyáy oo /Uuru, ni kii/ ar huunkoó gawaá doori.»

Marko 15:2

Pilato guri yaahaás, «Kuúng a Waawutmoó múk Yahudíro?» Inós guri báy, «A adoosíng kuúng ta kat.»

Luka 22:70

Sleémeero tari al oó', «Gawaá adoorihe kuúng a Garmoó Mungúheéke?» Giri báy, «Kuungá' kilá' an kata' adór aníng tar inós.»

Luka 23:3

Aluuwo Pilato guri yaahaás, «Kuúng an waawutmoó múk Yahudíro?» Yesu iri oó', «A adoosíng kuúng ta kat.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 3:32

Muruudá' aa ár nee aa axamiís an kudá' i lamabu'un, ala heé lamabu'uungós gu ya/a/aám i kaahh.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Yohana 8:14

Yesu giri báy, «Aníng tam ti kilooeé' lamabu'uuma, lamabu'ungw'eé' oo ló', asma aníng amór ni daahh a xuú', nee amór ni kaw sleeme. Ala kuungá' a xua'aaká amór ni daahh laqaá tam amór ni kaw.

Yohana 8:45

Ala aníng looeema in káh, an gár án kuungá' is haratlintatia'aaká.

Yohana 8:46

Heé baraá tla/angwhunge tlakweemaaeé' ngi laqaám a heemá? Nee bar aníng looeema ngi káh, kuungá' mas ya/a/aanda'aaká?

Yohana 8:47

Heé Mungú axweesantá Mungú gaa iiárií qamín. Ala kuungá' a axamisa'aaká, asma kuungá' a múk Munguheeká.»

1 Timoteo 6:13

Án kuúng u hara'ayiím dír geeraá Mungú wa ale, kudá' mura' sleémeero gu slafíngw i hanmiís, nee dír geeraá Kristo Yesu, kudá' lamabu'uungós oo hhohhó' gwa oo' dír geeraá Pontio Pilató wa ale. Án kuúng un adoorír hara'ayiím.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Yohana 2:21

Kaangwí nguna kuungá' i gooiím, ala a kaahaaká kuungá' looeema i xua'aaká, ala looeema i xuá', sleeme a xuá' baraá looeemaawo adór lama tam ar niiná ir káhh.

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.

1 Yohana 3:19

Gawaá adoorihe daqaní a xuaán adór atén tar múk looeema, nee tari gurkwa/aán dír geeraawose,

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.