Yohana 18:33 - Biblía Axweesantá Hhohho' ar Mungú 2004

³³ Pilato iri malé dáh baraá boomár úr i alé. Yesu guri ateét guri yaahaás, «Kuúng a waawutmoó múk Yahudíro?»

Ya/abtór hho' 1977

³³ Pilato iri malé dáh baraá boomár úr i alé. Yesu guri ateét guri yaahaás, “Kuúng a waawutmoó múk Yahudíro?”

Yohana 18:33 Iomraidhean Croise

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 27:11

Yesu iri sihhiít dír geeraá ga/aawusmo. Ga/aawusmo Yesu guri yaahaás iri oó', «Kuúng a waawutmoó múk Yahudíro?» Yesu iri oó', «A adoosíng kuúng ta kat.»

Matayo 27:27

Yesu kuri huúw baraá boómár ur nee askaárír Pilato. Nee askaárír yaariir guri i burumburít.

Marko 15:2

Pilato guri yaahaás, «Kuúng a Waawutmoó múk Yahudíro?» Inós guri báy, «A adoosíng kuúng ta kat.»

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 12:13

Haleemaá slaansla kiri taataáhh, tari tsee/ií ti'iít as kuwa al'ay. Tari tsimahhuús ar afór ur, ta kaahi, «Hosana, i xirfuuti kudá' hardáh ar umuú Aako, Waawutmoó múk Israeli.»

Yohana 12:15

«Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»

Yohana 18:34

Yesu iri oó', «Yaahasasíng amór i dahh a amoorók kilóge, laqaá múk hatlá' kangw'eé' nguna dirók i káh?»

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 18:38

Pilato guri báy, «Looeema a milá?» Inós /aymuuwí yaahaasaro nguwa hhe'eés, iri malé ti'iít amór múk Yahudi, iri oó', «Aníng gár heewí ngus sakwasleemuut a ara'araaká.

Yohana 19:12

Gawaá adoorihe Pilato loohi gari leelehhiít ar Yesu ngur gweeri. Ala múk Yahudi tari tsimaahhuús ta kaahi, «Kwí bura gwét, kuúng a mulqumoó waawutmoó múk Romarooká. Heé ti waawutmo tlehhiít, i waawuti'iimár waawutmoó múk Romár waaqaaqaa'.»

Yohana 19:3

Kuna i tseewúy, kuri taaqweemiís ta kaahi, «Laawaay, Waawutmoó múk Yahudi.» Kuri tlaaqarma' muúx.

Yohana 19:4

Pilato iri malé ti'iít tsee/ií alé, giri báy, «Heewí ngu tsee/ií huúw amorhúng i alé, as án kuungá' nuwa xu'utis adór aníng dakuúsár heewí ngus sakwasleemuut ngir ara'araaká.»

Yohana 19:9

Iri malé dáh baraá boómár ur, Yesu guri báy, «Kuúng amór ta dahh a amá?» Ala Yesu aa ilawatsiiká.

1 Timoteo 6:13

Án kuúng u hara'ayiím dír geeraá Mungú wa ale, kudá' mura' sleémeero gu slafíngw i hanmiís, nee dír geeraá Kristo Yesu, kudá' lamabu'uungós oo hhohhó' gwa oo' dír geeraá Pontio Pilató wa ale. Án kuúng un adoorír hara'ayiím.