Yohana 18:20 - Biblía Axweesantá Hhohho' ar Mungú 2004

²⁰ Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Ya/abtór hho' 1977

²⁰ Yesu iri oó', “Aníng ana axweemaamiís dír geerá muu sleémeero daqiisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 18:20 Iomraidhean Croise

WARA'AMI 22:22

Aníng tlehhemi'iiwók i alki/iít dír hhaee'eene, baraá tla/ángw boo/aywo u xirfayeemiís.

WARA'AMI 40:9

AAKOÓ MUNGÚ, aníng ya/abtór hho' ar ba/ama ana alki/iít dír dinkwár múk yaariír i alé. AAKOÓ MUNGÚ, kuúng a xú' adór aníng afkwe'eé' ngura ar qahuutiiká.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 48:16

Dir'eé' tseewuwaare', tí iiárií qaasaak, iimír iimu/uungo aníng aga axweesiiká ar naaqo, iimír muruuwí iwa tleehharuuti aníng an qaroó daadáw. Hám daxta Aakoó MUNGÚ aníng iga ya/aáw nee iga qeeruuwós i haniís.

Matayo 24:26

«Gawaá adoorihe bartunda báy, ‹Hanoosaay i baraá darma,› ma daqawara'. Laqaá barta kaahi, ‹I dír do',› ma ya/aamara'.

Matayo 26:55

Siiwadár kilae Yesu boo/aay guri báy, «Ahaá baré ina i haratleeré' ar paangadu nee guhhuli'i, adór múk fisusmoó oohár áw. Umuúqo baalaaro aníng a baraá Doó Mungú wa iwaawiít niwa intsaahhatimaamis, ala kuungá' i uhahinda'aaká.

Matayo 26:65

Kaahamusmoó úr oo Mungú inqwaruuwós guri feehhamiís, iri oó', «I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Matayo 9:35

Aluuwo Yesu gixsadu sleémeero nee ayeemo gina alhi'iimiít. Iri baraá maraá saalingw'ín wa intsaahhatimís. Ya/abtór hho' ar waawuti'iimár Mungú gari alki/iít, nee tiqtuuse sleémeero gari hungu/uumiís, nee slaqwaatlakwér dimbadimbé sleeme.

Marko 8:32

Inós axweesantí gana gwa/atís ooaro. Yesu kurir bihhií suruúk nee Petro, guri iigahhaát.

Luka 21:37

Deeloodae Yesu in intsaahhatimamis baraá Doó Mungú wa ale qoomár tlaatla/aango. Nee xweeraawo in qatuú aa'áy gawaá tloomár xaaiikaari ta bay seituúni.

Luka 4:15

Inós ina baraá maraá saalingw'ín wa intsaahhatimís, kuri diidi'iimiís nee muu sleémeero.

Yohana 18:21

Ala aníng mihar yaahamisá'. Kudá' án iga axamiisiye' yaahamiisaak gár án naa axweés a milá. Inooín ka xuu'.»

Yohana 6:59

Yesu axweesanaywí guna baraá doó saalíngw wa intsaahhatimís, qoomár iwa baraá Kapernaumúr i dirii'i.

Yohana 7:14

Qoomár tawa tla/aaohú deelór úr i dirii'i, Yesu iri dáh baraá Doó Mungú, iri intsaahhatimís.

Yohana 7:26

U ga/eéraáke, i axwees ar geehhoeema, ala inooín gár ku babay i káhh. Dooqa mukwí urén gaa xuú' adór heewí tar Krísto.

Yohana 7:28

Yesu iri tseé' ar afór ur baraá Doó Mungú wa ale iwa intsaahhatimisi, iri oó', «Án kuungá' i xuá', nee amoodá' ni daahh a xuá' sleeme. Ala án naa hardihiiká as sla'aarir'eé'. Kudá' aníng iga ya/aaw, inós a looeema, slám kuungá' inós u xua'aaká.

Yohana 7:4

Asma hee barnaxes ti xu'utisár wa slaa', tlehhemi'iiwós gi tleehhiiká ar naaqo. Kuúng bar tlehhemi'iiká' tlehhít, ti laqaan dír múk baraaká' yaamu, kuúngú kilá'.»

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.

Yohana 8:26

Aníng axweesanoó yaariír u koóm, nee sakwasleemár yaariir ngiwa kah daandeemoohunge. Kudá' aníng iga ya/aaw, inós a looeema. Nee aníng tidá' naa axaás dirós wa ale, an tí ni kah dír múk i alé.»

Tlehhema'aá ya/Abuuse 26:26

Waawutmo Agrípa muruuwí gu xuu', nee aníng un axweés dír geeraawós wa aleeró ar pihh'uuma. Asma aníng a xu'uti hhe'eés adór gár waawutmo i xuiiká ir káhh baraá muruuwí sleémeerowo. Asma kaangwí aa baraá lu/aaráy wa tleehharuutiiká.