Yohana 18:1 - Biblía Axweesantá Hhohho' ar Mungú 2004

¹ Yesu axweesanaywós nguwa hhe'eés, iri ti'iít nee eeharuuseerós ay gayuú yaaér Kedroni. Didaádae asalmo i deer. Yesu nee eeharuuseerós tari baraadií dáh.

Ya/abtór hho' 1977

¹ Yesu axweesanaywós nguwa hhe'eés, iri ti'iít nee eeharuuseerós ay gayuú yaaér Kedroni. Didaádae asalmo i deer. Yesu iri dáh nee eeharuuseerós baraadí alé.

Yohana 18:1 Iomraidhean Croise

IIMU/UUNGW 2:15

AAKOÓ Mungú heedaádá' guri huúw nee guri qaás baraá asalmoodá' ta bay Edeni, as nguwa doosli nee nguwa amohhe'eemisi.

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

2 SAMUELI 15:23

Qoomár Daudi iwa waaraahhi nee mukose, muu sleémeero baraá yaamuudae tari tseé' /aa/ewo. Waawutmo yaaér Kidroni gari waaraáhh dinkwa nee muu sleémeero, tari waaraáhh, amór xaanxaay kana xuú'.

1 WAAWITÁ 15:13

Aayoorós Ma'aka inósadár waawuto'o gari hingeés baraá waawuti'iimaro, asma inós slaqsayduú Ashera guna tléhh, munguúduú /ameeni. Gawaá adoorihe slaqsaydá' guri giqáy, guri daá/ baraá xatstá Kidronír wa ale.

1 WAAWITÁ 2:37

Asma bál bara ti'ít yaaér Kidroni kay waaráhh, ka xú' a gwá', nee dakuusasíng a tók.»

2 WAAWITÁ 23:12

Kiteeridaá waawituú Yuda aa tleéhh gawaá kitaarár kutuwír Ahasi, dinkwa nee kiteeridaá ilahhooa Manase aa tleéhh baraá afeenadá' tsár ar guruú doó AAKOÓ MUNGÚ, gina fe/iít nee giri naasúy, teeridá' gari kwaáhh baraá xatstá Kidroni.

2 WAAWITÁ 23:4

Aluuwo Yosia kaahamusmoó úr oo Mungú Hilkia, nee kaahamuusér hatlá' ar inós gu alee/imiis, nee xuumuusér afér maraay gina ádbáy xooslaadá' taa tleéhh as Ba'ali nee Ashera nee as tsatse/uuduú gawaá doori kuwa sluufmiisi, kingiwa duuxi baraá doó AAKOÓ MUNGUHE, nee kawa da/i tsee/aá Yerusalemu baraá xatstá Kidroni, nee da/araarós kari huuw ay Beteli.

2 WAAWITÁ 23:6

Inós Ashera gana hingeés baraá doó AAKOÓ MUNGÚ wa alé, gari kwaáhh tsee/aá Yerusalemu ay Kidroni, gari daá/ baraá xatstá Kidroni, gari naasúy, giri adór teeri tleéhh, teeridá' gari kwaáhh gawaá /aantá muu.

2 QOM'I 15:16

Waawutmo Asa aayoorós Ma'aka gana hiingeés baraá waawuti'iimaro, asma slaqsaydá' ta waki ta bay Ashera guna tléhh. Asa slaqsaywí guna geeqáy, gway daá/, gway kwaáhh baraá xatstá ta bay Kidroni.

2 QOM'I 29:16

Kaahamuusér Mungú iri dát baraá guruú Doó AAKOÓ MUNGÚ, xwaansláy sleémeero ngway fiitsiyé', kudá' naa slayé' baraadá' wa ale. Xwaansláydá' nguri burumburiyé' baraá matla/ángw doó Mungú. Múk tlahhoó Laáwi xwaansláydá' nguri kwahhiyé' baraá xatstá Kidroni.

2 QOM'I 30:14

Gadiyeé kana iimu/ún, kiteeridá' ilahhooa kawa hanmamisi awa baraá Yerusalemu, kiri hingeés, nee kudá' ta mooyángw tsuú' i da/aa/an, kina gagaár kiri kwaáhh baraá xatstá Kidroni.

NEHEMIA 2:15

Xweeraawo nay waaraáhh ar baraá xatsa, koo/ír gixsa ngiri tsee/aariím nari kií/ ar Afkuduú Xatsa.

YEREMIA 31:40

Xatstidá' /aantaá múk koom, nee didá' xwaansláy kway kwaakwahhi, qamu sleémeero ay duxuú Kidroni ay bihhaá Afkú doó Faras, iri kumiit bihhaá da/aáw. Diirí an didá' taa paraátl as AAKOÓ MUNGÚ. Gár ta baloó hhitin i káhh baraakae, nee gixsarí ka baloó fee/iiká ay kureeraá kureér.»

TLAHHOÓ LAÁWI 2:6

Mikaáteedá' ka parhhamís, nee ka dí/tí tsiririxís. Gaarí tari ilahhooár bu'uungw.

Matayo 26:30

Tawa hhe'eés daa'ango, tari tsa/án gawaá tloomár xaaiikaari ta bay seituúni.

Matayo 26:36

Yesu nee eeharuuseerós tari tláy dirka ta bay Getsemane. Eeharuuseerós gari báy, «Diirí iwiitaak, daa aníng a amorqií firór áw.»

Marko 14:26

Tawa hhe'eés daa'ángw alaá /aymaaro, tari tsa/án gawaá tloomár xaaikaari ta babay seituúni.

Marko 14:32

Tari hardáh ay dirka ta bay Getsemane, Yesu eeharuuseerós gari báy, «Qoomár aníng bar fiririím kuungá' diirí iwitaak.»

Marko 14:42

Tlawaaré', diirí geexaware'. Ga/aawaagáy, kudá' aníng i sakií/ naa tseewúy.»

Yohana 14:31

Ala tí in tleehharút as muu ngiwa tsaahhi adór án Baabá ngur slaá', nee tidá' Baabá naa hara'ayín an tleéhh. «Gawaá adoorihe, sihhiitaré', quutlaré', diirí geexaware'.»

Yohana 18:26

Lawaalmoó wák oo kaahamusmoó úr oo Mungú a mar'afmoó heedá' Petro aa iia tsaát. Inós iri oó' dír Petro, «Ahaá, aníng kuúng ugwa áriíke, tawa baraá asalmoó i dir'a' nee inós?»

Tlehhema'aá ya/Abuuse 21:11

Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', «Qeeruú hhoohhoó' oo Mungú i kaahi, ‹Adoorí an adór heé himuuwí kur tseegi nee múk Yahudi oo Yerusalemu nee kuri qaas baraá dabaá múk xoordu.› »