Yohana 17:6 - Biblía Axweesantá Hhohho' ar Mungú 2004

⁶ «Án kuúng ugwa xu'utís dír mukdá' naa hanís baraaká' yaamuwo. Inooín a mukók, nguri aníng i hanís, nee axweesantók kaa óh.

Ya/abtór hho' 1977

⁶ “Án kuúng ugwa xu'utís dír mukdá' naa hanís baraaká' yaamuuwo. Inooín a mukók, nguri aníng i hanís, nee axweesantók kaa óh.

Yohana 17:6 Iomraidhean Croise

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 22:22

Aníng tlehhemi'iiwók i alki/iít dír hhaee'eene, baraá tla/ángw boo/aywo u xirfayeemiís.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

AXWEESANOÓ SAGALOOA 2:10

Asma sagalooa i dát baraá muunaáwók, nee xu'uti hhiintluuwók guri sla'atís.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 12:28

Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 15:3

Kuungá' aga qaroó hhoohhoouuré' asma axweesantadá' naa kuungá' báw.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Yohana 17:14

Án axweesantók aga dir'íní oó', nee inooín muu gaa aáhh asma inooín awa yaamuuwooká, adoodá' án tar heé yaamuuwooká.

Yohana 17:16

Inooín awa yaamuuwooká, adoodá' án tar heé yaamuuwooká.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Yohana 17:26

Án kuúng ugwa dir'íní xu'utís, slám u malé xu'utís, as sla'aaridá' án kuúng ira slá', masók i baraaín, nee aníng sleeme masók a baraaín.»

Yohana 17:7

Nee hám kaa xuú' daxta adór tidá' sleémeero naa aníng hanís, amór i dahh tar amoorók.

Yohana 18:9

/Aymi'iiká' gina káh as /aymuuwí iwa boo/i, kudá' aa geerií oó', «Baabá, baraá kudá' sleémeero naa hanisi, oo aa qwaar i kaahh tumu wák.»

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 6:39

Kudá' aníng iga ya/aaw gár i slai a tí, ‹Aníng tam heé wák muwa qwaareés baraá kudá' sleémeero naa aníng i haniisi, ala masók un waaslee/atís bál deelór alhhe'eesaywo.›

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

2 Timoteo 1:13

Intsaahhatimisuuduú ló', kudá' taa dir'eén wa axás ilaooheek, ku adoodár intsaahhatimís. Baraá slafiingoge hoót ar Yesu Kristo kuwa haratlintati' nee kuwa sla'.

Ebrania 2:12

I kaahi, «Aníng umuuwók u alki/iít dír hhaee'eene. Aníng kuúng u xirfayeemiís ar daa'aangw baraá tla/ángw mukók wa ale.»

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:8

Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.