Yohana 17:10 - Biblía Axweesantá Hhohho' ar Mungú 2004

¹⁰ Kwe'eé' sleémeero a kók, nee kók a kwe'eé'. Nee aníng taa xirfayeés baraaín wa ale.

Ya/abtór hho' 1977

¹⁰ Kwe'eé' sleémeero a kók, nee kók a kwe'eé'. Nee aníng taa xirfayeés baraaín wa ale.

Yohana 17:10 Iomraidhean Croise

Yohana 10:30

Aníng nee Baabá a wak.»

Yohana 11:4

Ala qoomár Yesu kaangwí nguwa axaás, iri oó', «Tiqtisíng ar gwa'araarooká, ala as xirfuú Mungú, as Garmoó Mungú iwa xurfuuti ar tiqtisíng.»

Yohana 12:23

Yesu inooín giri báy, «Siiwa aa xeér ar Garmoó Hee kuwa xirfayeesi.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Tlehhema'aá ya/Abuuse 19:17

Múk Yahudi sleémeero nee oo Yunani, kudá' baraá gixsár Efesór i diriiá' kaangwí kuri xuú'. Muu sleémeero iri ló'wa da'ayuút, nee umuú Aako Yesu iri ak xirfuút.

Galatia 1:24

Inooín Mungú kuri xirfayeemiís as aníng.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

2 Tesalonike 1:10

Adoorí in tleehharút deeloodá' ure, qoomár inós binda hardáh as inós kuwa diidi'iimisi nee mukós kudá' hhohhó', kuri xirfayemiis nee mukdá' sleémeero oo inós gwa haratlintii'. Kuungá' sleeme a deer baraadae, asma kuungá' lamabu'ungwrén una haratlintié'.

2 Tesalonike 1:12

Gawaá adoorihe umuú Aakoorén Yesu ku xirfayeesi baraahúng wa ale, nee kuungá' tundu baraawós wa xirfayeesi, ar loohír gurtleemuú Munguúrén nee Aako Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.