Yohana 16:7 - Biblía Axweesantá Hhohho' ar Mungú 2004

⁷ Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Ya/abtór hho' 1977

⁷ Ala ar aníng ni dirhúng i oo' ar ló', ‘Dirhunge a tsiní án barnaxes aga tláw. Asma aníng bara tlawiiká, Alee/isusmo i hardahiiká amorhúng i alé. Ala bar án aga tláw, án ngu ya/aáw amorhúng i alé.’

Yohana 16:7 Iomraidhean Croise

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

Luka 24:49

Nee ga/aawaagáy, Kudá' Baabuúeé' naa al'axweés aníng ngu amorhúngí ya/aáw. Ala kuungá' iwiwiité' baraaká' gixsarí wa ale, ay dír /uuruú gáwtá daáhh kway sleera'.»

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

Luka 9:27

Tí ar ló' án ngi kuungií oó', ‹Mukko i deer baraá mukwí diirí wa sihhimita, oo baloó qatlaaká ay dír waawuti'iimár Mungú kay ari.› »

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 14:28

Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Yohana 14:3

Án bara tláw, barnaxes hotangwhúng ngwa amohhe'eés, ni malé kií/ as nuwa amor'eé' dahi'is, as didaádá' án ni dirii', masók kuungá' a deer.

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 16:8

Nee Alee/isusmoodá' birna hardáh, inós kángw tlakweema nee gan'amu, nee sakwasleema gun dír múk i gwa/atis.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.