Yohana 16:28 - Biblía Axweesantá Hhohho' ar Mungú 2004

²⁸ Aníng an amór Baabá daáhh, nay baraaká' yaamií hardáh, slám án daxta yaamu i geexáw, nay tláw amór Baabá.»

Ya/abtór hho' 1977

²⁸ Aníng an amór Baabá daáhh, nay baraaká' yaamí hardáh, slám án daxta yaamu i geexáw, nay tláw amór Baabá.”

Yohana 16:28 Iomraidhean Croise

Luka 24:51

Qoomár inós ngiwa tsuuqun, tiri paraátl dir'ine, kurira tláy gawaá doori.

Luka 9:51

Qoomár deeloorós ar kuwa gáwtí huwi iwa tseewuúr, inós iri piíhh iwa Yerusalémúr kay.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 13:3

Yesu gaa xuú' adór Baabá mura' sleémeero ngura gawaá dabaawós i qaás, nee adór inós amór naa daáhh tar amór Mungú, nee hám i amór Mungú káy.

Yohana 14:28

Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Yohana 16:10

nee daanduú gan'amuuwo, asma aníng a tláw amór Baabá nee slám i aanda'aaká.

Yohana 16:16

«Alaá deelór niina bira waaráhh, án kuungá' i aanda'aaká. Nee slám alaá deelór niina bira malé waaráhh, án kuungá' i aandá'.»

Yohana 16:30

Atén aga xuaán adór mura' sleémeero kuúng kur xú', nee slám gaa i káhh ar hee kuúng uwa yaahasi. Gawaá adoorihe aga haratlintiaán adór kuúng tar amór Mungú dáhh.»

Yohana 16:5

Ala án hám daxta a tláw amór kudá' aníng iga ya/aaw. Slám dirhunge heé aníng i yaahamiís i kaahh oo káh, ‹Amór ta keer a amá?›

Yohana 17:11

Aníng a baraaká' yaamií diriiaaká, ala inooín ta baraaká' yaamií dirii'. Aníng ni hardáh amoorók. Baabuú hhoohhoó', kuká' na xuumeek ar /uuruú umuuwók kudá' naa aníng i hanís. As wakleeli'iima kawa kon, adoodá' atén kar koomaan.

Yohana 17:13

Ala án hamí ni hardáh amoorók. Nee /aymi'iiká' aníng in baraaká' yaamuú wa káh, as qwal/uueé' masók i boo/ baraaine.

Yohana 17:5

Hám daxta Baabá, án kuúng na xirfayeesáng amoorók wa ale, ar xirfuudá' ni amoorók wa koom iimír yaamu kiwa tleehhiiká.

Yohana 8:14

Yesu giri báy, «Aníng tam ti kilooeé' lamabu'uuma, lamabu'ungw'eé' oo ló', asma aníng amór ni daahh a xuú', nee amór ni kaw sleeme. Ala kuungá' a xua'aaká amór ni daahh laqaá tam amór ni kaw.

Yohana 8:42

Yesu iri oó', «Mungú geera bar baabuúhúng, án geera kuungá' iga slaé'. Asma án amór ni daahh a amór Mungú. Niri hardáh amoorí alé. Ala naa hardihiiká as sla'aarir'eé', ala án Mungú ina ya/aáw.