Yohana 16:17 - Biblía Axweesantá Hhohho' ar Mungú 2004

¹⁷ Bahh'alé baraá eeharuuseerose tiri kilooín yaahamisiyé', «Axweesanaywí a milá iwa kaahi, ‹Alaá deelór niina bira waaráhh, án kuungá' i aanda'aaká. Nee slám alaá deelór niina bira malé waaráhh, án kuungá' i aandá'.› Nee ar iwa kaahi, ‹Asma aníng a tláw amór Baabá.› »

Ya/abtór hho' 1977

¹⁷ Bahh'alé baraá eeharuuseerose tiri kilooín yaahamisiyé', “Axweesanaywí a milá iwa kaahi, ‘Alaá deelór niina bira waaráhh, án kuungá' i aanda'aaká. Nee slám alaá deelór niina bira malé waaráhh, án kuungá' i aandá'.’ Nee ar gídaabá, ‘Aníng a tláw amór Baabá.’”

Yohana 16:17 Iomraidhean Croise

Marko 9:10

Tidá' ngaa báy kari gawaá sager'ín i óh tiri kilooín yaahamisiyé', tawa kaahi, «Gídaabárós a milá tiqá' iwa kaahi, ‹Garmoó Hee ni baraá /aantár wa waaslee/?› »

Marko 9:32

Eeharuuseerós intsaahhastí gaa tsahhiká, ala kuri da'ayuút yaahasto.

Luka 18:34

Ala eeharuuseerós tam /aymuú wák gwa tsahhiká baraá axweesanaydá' aa dir'íní kaahi. Gídaabár kaangwí kaa luú/ dir'ine. Sleeme kaa tsaahhiiká tidá' aa alki/iít dir'ín i alé.

Luka 9:45

Ala inooín tidá' i kaahi kaa tsaahhiiká. Inooine kaa luú/ as makawa tsaáhh. Yaahasto kuri da'ayuút, gídaabár axweesantadae.

Yohana 12:16

Hargeeraawo muruuwí eeharuuseerós gwa tsahhiká. Ala Yesu kuwa xirfayeés, kari insláy adór muruuwí kura daanduuwósí gooín, nee adór ira tleehharuút.

Yohana 14:22

Yudaduú Iskariotiwooká iri oó', «Aáko, ahaá adór kuúng tir diréní geehhoatis a adoomá, ala misti geehhoatiská dír múk aa haratlintii'iiká?»

Yohana 14:5

Tomas iri oó', «Aáko, atén amór kuúng ta keer a xuanaaká, nee atén loohi adór kar xuaan?»

Yohana 16:1

«/Aymi'iiká' ngina dirhúng i oó' as kuungá' mutunduwa gee/aásl tari alií ki/á'.

Yohana 16:16

«Alaá deelór niina bira waaráhh, án kuungá' i aanda'aaká. Nee slám alaá deelór niina bira malé waaráhh, án kuungá' i aandá'.»

Yohana 16:18

Tari káh, «Gídaabárós a milá, tí iwa kaahi, ‹Alaá deelór niina.› Gár i axweesi a tsatsahhaamanaaká.»

Yohana 16:19

Yesu gari tsaáhh adór eeharuuseerós ngur yaahaasár wa slá', gari báy, «Gár tiwa yaahamisa' a tidá' nuwa báwi, ‹Alaá deelór niina bira waaráhh, án kuungá' i aanda'aaká, nee slám alaá deelór niina bira malé waaráhh, án kuungá' i malé aandá'.›

Yohana 16:5

Ala án hám daxta a tláw amór kudá' aníng iga ya/aaw. Slám dirhunge heé aníng i yaahamiís i kaahh oo káh, ‹Amór ta keer a amá?›