Yohana 16:14 - Biblía Axweesantá Hhohho' ar Mungú 2004

¹⁴ Inós aníng i xirfayees, asma tidá' i dir'eé' wa slay, ngin dirhúngí oo'.

Ya/abtór hho' 1977

¹⁴ Inós aníng i xirfees, as te'eé' gan oh, nee ngiri xu'utis dirhúng i alé.

Yohana 16:14 Iomraidhean Croise

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Yohana 14:21

«Heé hara'ayar'eé' ga koóm, nee gaa oh, inós an kudá' aníng i slaá'. Nee heedá' aníng i slaá', inós sleeme ku slaa' nee Baabuúeé'. Nee án sleeme heedaádá' u slaá', nee tiri dirósí geehhoeés.»

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

1 Korinto 12:3

Gawaá adoorihe án kuungá' nu xu'utís hee i kaahh oo axweés ar baraá Qeeruú hhoohhoó' oo Mungú oo káh, «Yesu ku lu'usi.» Nee slám heé taa geerahariiká nee Qeeruú hhoohhoó' oo Mungú, ga aleeslayká iwa ooi, «Yesu a Aako.»

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

1 Petro 2:7

Gawaá adoorihe inós i xirif tleehhiit dír kuungaásingá' aga haratlinti'ii'i. Ala dír kudá' naa haratlinti'ii'ikahe a adór «tlaa/aadá' qwatsiiruuse aa sí' aa tlaa/ár ur tleehhít ar do' ir gawduy.»

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 Yohana 5:6

Yesu Kristo an kwí naa hardah ar ma'aay nee tseere. Naa hardihiiká ar ma'aay kilooín, ala nina hardáh ar ma'aay nee tseere. Qeeru an kudá' gu lamabu'uúm, asma Qeeru a looeema.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.