Yohana 16:13 - Biblía Axweesantá Hhohho' ar Mungú 2004

¹³ Ala Qeeruuduú looeema bar inós naa hardáh, kuungá' nu gan'aas baraá looeema sleémeero, asma ar i axweesi a toseeká, ala sleémeero tidá' i axaasi gan oo', nee muruudá' aluúwaá hardaha nu xu'utis.

Ya/abtór hho' 1977

¹³ Ala Qeeruuduú looeema bar inós naa hardáh, kuungá' nu gan'aas baraá looeema sleémeero, asma ar i axweesi a toseeká, ala sleémeero tidá' i axaasi gan oo', nee muruudá' tleehharuuta nu xu'utis.

Yohana 16:13 Iomraidhean Croise

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

Yohana 12:49

Asma aníng aga axweesiiká ar sla'aarir'eé' kilós. Ala Baabuúdá' aníng iga ya/aaw, inósuú kilá' ina hara'ayín daanduú tidá' ni ooa nee tidá' ni axweesa.

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 16:12

«Tam hamí /ayma'aá yaariir i koóm, awa ni kuungá' i oiim, ala kuungá' i aleesleera'aaká hamí.

Yohana 3:32

Muruudá' aa ár nee aa axamiís an kudá' i lamabu'un, ala heé lamabu'uungós gu ya/a/aám i kaahh.

Yohana 8:38

Tidá' án naa ár dír Baabá wa ale, an tidá' ni axwees. Nee tidá' kuungá' taa axasé' dír baabuúhúng wa ale, an tidá' ta tlehhita'.»

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

Tlehhema'aá ya/Abuuse 20:23

Ala Qeeruú hhoohhoó' oo Mungú aníng i ádbabáy umuúqo gixsaro adór tseegamo nee slahh'amaaye aníng ir daamaraná'.

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

2 Tesalonike 2:12

Gawaá adoorihe kudá' sleémeero awa tlakweema ngaa sa qwalaala/iye' kin sakwasleemuut, asma looeema nga haratlinti'i'iiká.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.

1 Yohana 5:6

Yesu Kristo an kwí naa hardah ar ma'aay nee tseere. Naa hardihiiká ar ma'aay kilooín, ala nina hardáh ar ma'aay nee tseere. Qeeru an kudá' gu lamabu'uúm, asma Qeeru a looeema.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.