Yohana 16:11 - Biblía Axweesantá Hhohho' ar Mungú 2004

¹¹ Daanduú sakwasleemaro asma kudaádá' úr oo yaamu kwaa qaroó sakwasleemuút.

Ya/abtór hho' 1977

¹¹ Gawaá iidíguú sakwasleemaro asma kudaádá' úr oo yaamu kwaa qaroó sakwasleemuút.

Yohana 16:11 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

Matayo 12:18

«Ga/aaweek, sagadiyusmooeé' kudá' naa tsawaár a sla'aarusmooeé' kudá' muunaáeé' gwa qwal/atis. Qeeruueé' u dirós i haniís. Inós kwasleemár ganaa' ga alki/iit dír xoordu sleémeero.

Matayo 12:36

«Ala án a kah, umuúqo axweesantá gídaabár koomaaká ar muu i ooi, faarór axweesantadá' ka haniis bál deelór sakwasleemaro.

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 16:12

«Tam hamí /ayma'aá yaariir i koóm, awa ni kuungá' i oiim, ala kuungá' i aleesleera'aaká hamí.

Tlehhema'aá ya/Abuuse 10:42

Yesu hara'aya ngina oó' ar muu kuwa Ya/abtór hhó' i alki/iitaan nee kuwa lamabu'uumaan, adór kwí tar kudá' taa hara'ayár i haniís nee Mungú, múk slaáf nee múk aa qatli nguwa sakwasleemuuti.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 6:2

nee intsaahhasár daanduú baatiísmo nee ar dákwií qaasa; nee i intsaahhasár daanduú waasle/ nee sakwasleemár alhhe'eesay wasl.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.