Yohana 15:5 - Biblía Axweesantá Hhohho' ar Mungú 2004

⁵ «Aníng a xa'anoó sabiíbu, kuungá' a haleemi. Heé baraaeé' wa hoót, nee án baraawós, heedaádá' mamu gi ló'wa laqwaal. Asma án bar kaáhh, kuungá' gár tleehhamooro ta aleesleera' i káhh tam ar wák.

Ya/abtór hho' 1977

⁵ “Aníng a xa'anoó sabiíbu, kuungá' a haleemi. Heé baraaeé' wa hoót, nee án baraawós, heedaádá' mamu gi ló'wa laqwaal. Asma án bar kaáhh, kuungá' gár tleehhamooro ta aleesleera' i káhh tam ar wák.

Yohana 15:5 Iomraidhean Croise

AXWEESANOÓ SAGALOOA 11:30

Hotaá ganaa'á' a mamaá xa'anoó slafiingw. Heé sagaloó' ga aleesláy muu nguwa afa/asli.

HOSEA 4:8

Tin /aymisiyá' ar tlakweemá muk'eé'. Tin mune qwal/amisiyá' ar tlakweemaaín.

Matayo 13:21

Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 9:33

Ala heewí bir amór Mungú dahhiiká, gár tleehhamooro geera i aleeslay i káhh.»

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Rumi 12:5

Gawaá adoorihe atén sleémeero a adór slaqwtá wák baraá Kristowo, nee umuúqo heewo baraarene a diqtá kudá' hatlá' sleémeero.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Rumi 7:4

Kuungá' sleeme a adoosíng, hhaee'eé'. Asma adoodár Kristo ira gwaá', kuungá' sleeme ana qatlé', nee slám kuungá' a baraá waawuti'iimár hara'ayár i dir'a'aaká. Kuungá' a múk heé hatlá', kudá' naa waaslee/ baraá múk aa qaátl wa ale. Gawaá adoorihe tlehhma'aá hhohho' in tleehhaán awa Mungú ngu qwal/atisá'.

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

1 Korinto 12:12

Slaqwtá hee a wak, ala i diqoó yaariír koón. Ala diqaywí tam ku yaariire, sleémeero burkwa haragaás an slaqwtá wák kilós. Adoorí an adoodá' Kristo sleeme i dirii'i.

1 Korinto 12:27

Gawaá adoorihe kuungá' a slaqwtá Kristo, nee umuúqo heewo dirhunge a diqito'ór wák gawaá slaqwtihe.

2 korinto 13:8

Asma atén a aleeslawaanaaká looeema kiwa tlaampa'aamisaan, ala atén gár tiwa hariím a tidá' nee looeema ti slaslaawá' an tlehhiitaán.

2 korinto 9:10

Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.