Yohana 15:21 - Biblía Axweesantá Hhohho' ar Mungú 2004

²¹ Ala tí sleémeero kingi dirhungií tleehh as aníng, asma kudá' aníng iga ya/aaw, inooín ngu xuiiaaká.

Ya/abtór hho' 1977

²¹ Ala tí sleémeero kingi tleehh dirhunge as aníng, asma kudá' aníng iga ya/aaw, inooín ngu xuiiaaká.

Yohana 15:21 Iomraidhean Croise

WARA'AMI 69:7

Tina niqimís as kuúng, alsi'imuwo qayta ngari naá/.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

Matayo 10:18

Kuungá' tundu huuw dír geeraá ga/awuuse nee dír waawitá as aníng, asma lamabu'ungw'eé' kuwa dir'ín i oa', nee dír múk xoordaá hatlá'.

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 10:39

Umuúqo heewo oo slafiingós gu amohhe'eemiís, gu qwaarees, nee heé slafiingós gu qwaareés as aníng, gun amohhe'eemiis.»

Matayo 24:9

«Qoomaadae muu kuungá' nu sakii/ as slahh'amu kuwa sleera', nee tunduwa tsu/i. Kuungá' xoordu sleémeero nuri aahhiyá' as aníng.

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Marko 13:13

Kuungá' tundu aahh nee muu sleémeero asma aníng. Ala heé aa qiitl ay alhhe'eesaay an kudá' ba/ám.»

Luka 21:12

Ala dír muruuwí sleémeero ira tleehharuutiiká, muu kuungá' nu uhín nee nu slahh'eemiis. Inooín nun huwiyá' amór maraá saaliingw, asma tunduwa sakwasleemuuti, nee tunduwa tsegiiti. Tundu geeraá waawitá i huuw, nee geeraá ga/awuuse, as aníng.

Luka 21:17

Kuungá' tundu aahh nee muu sleémeero as aníng.

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 17:25

Baabuú gan'amuú koóm, muu kuúng ugwa xuiiká. Ala án kuúng ugwa xuú', nee kuká' ngaa xuiyé' adór án kuúng ira ya/áp.

Yohana 8:19

Aluuwo múk Farisayo iri oó', «Baabuúwók i amá?» Yesu iri oó', «Án kuungá' i xua'aaká. Tam Baabuúeé' sleeme u xua'aaká. Aníng bar geera iga xué', Baabuúeé' sleeme ugwa xué'.»

Yohana 8:54

Yesu inooín giri mu/aywaáts, «Án kilooeé' birti xirfayeemiís, xirfuueé' a gaarooká. Án Baabuúeé' i xirfayeemiis, inós an kudá' kuungá' tawa kata', ‹A Munguúrén.›

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Tlehhema'aá ya/Abuuse 26:9

«Anuú kilá' geera ana haraxuú' adór tar gár aníng wa hariim mura' sleémeero nguwa tleehh, kudaádá' Yesu Kristoó Nasareti gu baáq.

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

Tlehhema'aá ya/Abuuse 4:17

Ala /aymi'iiká' mindiwa xu'utitiyé' dír muko, nee inooín in iigahhaataán as mindiwa malé axweesiyé' dír muko ar umuuwí.»

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Tlehhema'aá ya/Abuuse 9:14

Slám ayaawihe hara'aya ga kón ar amór kaahamusér uren ar Mungú daahh, ar mukdá' sleémeero umuuwók ateetimá' nguwa tsegiiti.»

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 Korinto 2:8

Múk aleesleemuú koóm oo baraaká' yaamu sagalooarí gaa tsaahhiiká. Asma inooín geera bar sagalooarí ngaa xuiyé', geera alók Aakoó xirif ngwa kikii'ii'iiká.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

3 Yohana 1:7

Asma inooín tindina tláy as Yesu, nee gár taa sláy i káhh amór múk xoordaá hatlae.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.