Yohana 15:20 - Biblía Axweesantá Hhohho' ar Mungú 2004

²⁰ /Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Ya/abtór hho' 1977

²⁰ /Aymuudá' naa kuungá' báw inslawaak gídaabá, ‘Lawaalmo ku ureeká ta aakoowose.’ Bar án tina slahhe'eemiís, kuungá' sleeme tundu slahhe'eemiis. Bar axweesante'eé' kana óh, toohúng sleeme ka oh.

Yohana 15:20 Iomraidhean Croise

ESEKIELI 3:7

Ala múk Israeli kuúng u iiaárií qaasiiká, asma inooín aníng iiaárií qaasaro i slaiaaká. Múk Israeli sleémeerowo a múk sage gawdén nee muner'ine.

Matayo 10:24

«Eeharusmo intsaahhatusmoowós gur ba/iiká, laqaá tam lawaalmo aakoowós gur ba/iiká.

Marko 10:39

Kuri báy, «Adoosíng a aleeslawaán.» Yesu giri báy, «Xooslmoodá' aníng ni wah, kuungá' u watá', nee baatísmoodá' aníng tir baatisi, kuungá' u qitlá'.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Luka 6:40

Eeharusmo uraywo intsaahhatusmoowós gu ba/iiká. Ala heé intsaahhatisa gaa faak, nee intsaahhatusmoowós tawa al qon, i ya/aán.

Yohana 10:31

Múk Yahudi tlaa/e giri taataáhh malé alé as Yesu kuwa tlaquuti.

Yohana 11:57

Qoomaarihe kaahamuusér uren ar Mungú, nee múk Farisayo, hara'aya kaa qaroó oó', tawa kaahi, ‹Bar hee ngu xuu' dír i dirii'i, kaangw ngu huwi as kuwa oohár ay.»

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

1 Korinto 4:12

Nee slám a daawimiitaán ar gadiyeé kawa tlehhiitaan ar dabaarén awa kilá'. Muu barnaxes atén ti /ooslislín, atén inooín in tsuuqumaán. Atén barnaxes ti slahh'eemiis, a qiqtliimaán.

2 korinto 4:9

Atén ti slahh'eemiis, ala taa hhaamisiiká, nee slám taa yaamií daraáhh, ala taa tsu/iiká.

1 Tesalonike 2:15

Múk Yahudi an kudá' Aako Yesu gwa gaas, nee aaruusero, nee atén sleeme tiri slahh'eemisiyé'. Inooín sla'aarír Mungú kaa leelehhiitiiká. Slám a wakuusér muu sleémeero.

2 Timoteo 3:12

Mukdá' sleémeero oo hotángw ilaiwa/ame gu slaá' nguwa ar hootiya' baraá Kristo Yesuwo aqo kin gusisín.

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.