Yohana 15:2 - Biblía Axweesantá Hhohho' ar Mungú 2004

² Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Ya/abtór hho' 1977

² Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Yohana 15:2 Iomraidhean Croise

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

Matayo 13:12

Asma umuúqo heewo oo gár koóm, ka dook. Slám kay tlahhasa hhe'ees. Ala umuúqo heewo oo gár koomaaká, tam tidá' niina i kon ka hayoh.

Matayo 13:33

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee gár mikaáte ir sluufaasluf, ar /ameeni aa qás baraá puuruú, oo har afi qoomoó deebadaá tsár, tam puuruúdá' sleémeero iri sluúf.»

Matayo 15:13

Giri báy, «Umuúqo dahaasíngw Baabuúeé' oo gawaá doori aa dahaasiiká, ku tuu/.

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Matayo 25:29

Asma umuúqo heewo oo gár koóm, ka haniis, nee kari dooga hhe'ees. Ala kudá' gár koomaaká, tam tidá' niina i kon ka hayoh.

Matayo 3:10

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká, ku tsaat, kway kwaahh baraá asla.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Matayo 7:19

Umuú xa'anoó mamaá hhó' gi laqwaliimaaká, kun tsaat, kway baraá ásltí kwaahh.

Marko 4:20

Nee kudá' taa dahaás baraá hhapér hho' an slaqsoó mukdá' axweesantadá' gaa axaas, nee gari ilaóh. Axweesantadá' irí laqwál baraá muner'íne, mamu mibeeri tám, nee mamu mibeeri lahhoó', nee mamu tsiiruú wák.»

Luka 8:13

Kuduú gawaá tlaa/a an slaqsoó mukdá' axweesani gaa axaas, kari ilaóh ar qwal/amaaye, ala dee/áruuín i kaahh. Haratlintaaor'ín ar deelór niina. Qoomár iiara'at birna xáy, kay máy.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 15:3

Kuungá' aga qaroó hhoohhoouuré' asma axweesantadá' naa kuungá' báw.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

Yohana 15:8

Baabuúeé' ku xirfayeemiis, as adoodá' kuungá' mamu kiwa ló'wa laqwaliinda', nee tawa eeharuuser'eé' ar ló'.

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.