Yohana 15:18 - Biblía Axweesantá Hhohho' ar Mungú 2004

¹⁸ «Kuungá' múk aa haratlintii'iiká burna aáhh, xuaak adór aníng tira qaroó aáhh, qoomár kuungá' nuwa aahhiiká.

Ya/abtór hho' 1977

¹⁸ “Kuungá' múk aa haratlintii'iiká buurnaa aáhh, xuaak gídaabá aníng iga qaroó aáhh, qoomár kuungá' nuwa aahhiiká.

Yohana 15:18 Iomraidhean Croise

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

AXWEESANOÓ SAGALOOA 29:27

Heé tlákw ku waak nee heé hota ganaá' Ala heé tlehhmi'iiwós qoomá' ku waak nee heé tlaákw.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 24:9

«Qoomaadae muu kuungá' nu sakii/ as slahh'amu kuwa sleera', nee tunduwa tsu/i. Kuungá' xoordu sleémeero nuri aahhiyá' as aníng.

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Marko 13:13

Kuungá' tundu aahh nee muu sleémeero asma aníng. Ala heé aa qiitl ay alhhe'eesaay an kudá' ba/ám.»

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 16:1

«/Aymi'iiká' ngina dirhúng i oó' as kuungá' mutunduwa gee/aásl tari alií ki/á'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Yohana 3:20

Asma heé muruú tlákw tlehhahhiít, gwa/aateema gi slaiiká, slám amór gwa/aateemaawo sleeme i daqayká, asma muruudá' tlákw i tlehhahhiti miwa geehhooúy.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 Yohana 3:13

Hhaee'eé', kuungá' bar múk aa haratlintii'iiká naa aáhh ma waa/oo/amimara'.

1 Yohana 3:3

Ala umuúqo heé harahhifór adoorí ga koóm gawaá Yesuwo, tin kilós hhoohhooeemiis adoodá' Yesu kur hhoohhoó'.