Yohana 15:14 - Biblía Axweesantá Hhohho' ar Mungú 2004

¹⁴ Kuungá' a mulqer'eé', bar tidá' án naa hara'ayiím aga tlehhé'.

Ya/abtór hho' 1977

¹⁴ Kuungá' a mulqer'eé', bar tidá' án naa hara'ayiím aga tlehhé'.

Yohana 15:14 Iomraidhean Croise

1 WAAWITÁ 4:5

Asariya garmoó Natani a heé úr oo geeraharuuse, nee Sabudi garmoó Natani an kaahamusmoó Mungú nee an mulqumoó waawutmo.

2 WAAWITÁ 18:6

Inós AAKOÓ MUNGÚ guna eehár ar inkihhimu, sleeme gwa geexayká, inós hara'ayaadá' AAKOÓ MUNGÚ aa haniís dír Mose gana óh.

2 QOM'I 20:7

Aá Munguúrén, kuúng yaamuloouusér yaamuuká' aga guskáhe geeraá mukók oo Israeli wa ale, yaamu kiri xwaylár Abrahamu mulqumoowók i hanís as tawa kooín ay alhhe'eesay wasle.

TI'INAANGW 7:6

Mose nee Aroni adoodá' AAKOÓ MUNGÚ ngaa báy kari tleéhh.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

ESEKIELI 12:7

Naagáy adoodá' taa báy ngiri tleéhh. Baldae qoomár tlaatla/aango huwar'eé' ngiri tseék, adór huwár heé aa goow, tsiindowo koo/ír do' ngiri feé/, nee qoomár iimi iwa giwaagip niri ti'iít, huwar'eé' i gawaá suuma, nee muu sleémeero i ga/áy.

Matayo 12:50

Asma umuúqo heewo oo sla'aarír Baabuúeé' kuduú gawaá doori ga tleéhh, an hhiyaaeé' nee hho'or'eé' nee aayor'eé'.»

Luka 12:4

«Kuungá' mulqer'eé', án kuungá' nu baw, kudá' slaqo ngi tsu/á' mi da'ayumitaara', ala gár aluuwo tleehhamooro i aleeslaya' i káhh.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 14:15

«Án bira slaé', hara'ayar'eé' a otá'.

Yohana 14:21

«Heé hara'ayar'eé' ga koóm, nee gaa oh, inós an kudá' aníng i slaá'. Nee heedá' aníng i slaá', inós sleeme ku slaa' nee Baabuúeé'. Nee án sleeme heedaádá' u slaá', nee tiri dirósí geehhoeés.»

Yohana 14:28

Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Yohana 2:5

Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

Yakobo 2:23

Gawaá adoorihe Gooidá' iri bó/, tidá' aa kat, «Abrahamu Mungú guna haratlintií', inós kuri gan'amuú i harafaár as haratlintaao,» slám inós kuri báy a mulqumoó Mungú.

1 Yohana 5:3

Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.

RUTI 3:6

Naagáy Ruti iri tleér amoodá' angaáno kuwa haritleemisi, nee tidá' sleémeero aayír hhawaatuuwós ngaa beér gari tléhh.