Yohana 14:28 - Biblía Axweesantá Hhohho' ar Mungú 2004

²⁸ Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Ya/abtór hho' 1977

²⁸ Aga axasé' tidá' naa kuungá' i oó' gídaabá, ‘Aníng a tláw, slám ni malé kií/ amorhúng i alé.’ Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Yohana 14:28 Iomraidhean Croise

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

WARA'AMI 68:9

Mungú, kuúng tluwoó yaariír nguna baraá yaamií hanís, yaamuuwók niwa slaaqatiyé' kuúng ina /uuruú /abén i hanís.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

Matayo 12:18

«Ga/aaweek, sagadiyusmooeé' kudá' naa tsawaár a sla'aarusmooeé' kudá' muunaáeé' gwa qwal/atis. Qeeruueé' u dirós i haniís. Inós kwasleemár ganaa' ga alki/iit dír xoordu sleémeero.

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Yohana 14:18

«Án kuungá' nu panáy geexawaaká. Ni amorhúng i hardáh.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 5:18

Gawaá adoorihe múk Yahudi loohi kari ak leelehhiít ar Yesu kur gaasi. As gídaabaheeká hara'ayaadá' kilós ar deelór Sabaáto gana sií', ala sleeme as adoodá' Mungú nguwa Baabuúwós ar ateetin, asma adoorihe tin Mungúr qoomeemees.

Yohana 7:33

Yesu iri oó', «Har qoomár niinawe án nee kuungá' a dinkwa. Aluuwo aníng a tláw amór kudaádá' aníng iga ya/aaw.

1 Korinto 11:3

Ala aníng a slaá' kuungá' kawa xua' adór Kristo tar ságw umuú hhawaata, nee hhawaata an ságw hareerós, nee Mungú an ságw Kristo.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»