Yohana 14:27 - Biblía Axweesantá Hhohho' ar Mungú 2004

²⁷ «Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Ya/abtór hho' 1977

²⁷ “Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 14:27 Iomraidhean Croise

2 QOM'I 20:30

Aluudae waawutmo Yehoshafati iri waawuti'ín ar wayda, asma Mungú wayda guna haniís bihhe sleémeero.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 11:1

AAKOÓ MUNGÚ an dír guway'eé'! Adór kar qitla' aníng iwa beera', «/Akuút adór tsir/ír wa ale ay gawaá tlooma.

WARA'AMI 112:7

Gár tlaakw binga axaás i da'ayuumiitiiká, muunaáwós i kwareeiiká, AAKOÓ MUNGÚ gwaa harahhifoorós i qaás.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 28:3

Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

WARA'AMI 56:11

Mungú ugwa harahhiíf, a da'ayuutaaká, hee gár i /iisi a milá?

WARA'AMI 56:3

Qoomár bara da'ayuút, án kuúng un harahhiíf.

WARA'AMI 72:2

Mukók ngu har'oohi ar sakwasleemár ganaa', nee narkuteerók ngi geeraahari ar gan'amu.

WARA'AMI 72:7

Baraá hotaawose gan'amu ngu eeharahari deelo sleémeero, amohhooa nee wayda ngir hooti kureerisleém.

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

WARA'AMI 91:5

Tsaxwaá xweera i da'ayutká, laqaá tam mahángw taa tsaxaár tlaatla/aango u da'ayuumitká,

AXWEESANOÓ SAGALOOA 3:25

gár tlaakw bura hhaawísh ma da'ayuumitaar, tam hhituuse ni hardata.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

WA/AA/I 3:17

Baraá muunaáeene wayda aa qwaár, adoodá' qwala/ i dirii'i aga gunqareés.

ESEKIELI 2:6

«Ala kuúng, heé, inooín mi da'ayumitaar, laqaá axweesanti'ín. Tam fuquráy nee laqayá' ugwa harweeri'i, laqaá tam xiiraawe ugwa harweeri'i, axweesanti'ín ma da'ayutaar nee mutuwa naáxw nee gitsee/er'ín, asma inooín an múk aa dee/anuut.

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DANIELI 6:25

Aluuwo waawutmo Dario barwiito'o gari gooín amór tlahh'aá muu sleémeero nee xoordu nee tsifri sleémeero, «Aníng kuungá' nu wayduú úr i slaá'.

SEKARIA 6:13

Inós an heedá' Doó AAKOÓ MUNGÚ gu tleéhh, ilaiwa/amér waawuti'iima ga sláy, iri iwiit gawaá kitángw waawuti'iima, iri waawuti'ín, nee bihhaawose kaahamusmoó Mungú i deér, nee tla/ángw inooínaaká' tsare xu'utír wayda i deer.

FAARO 6:26

AAKOÓ MUNGÚ nuwa hhooay nee nu waydií haniisi.›

Matayo 10:26

«Kuungá' mukwí mu da'ayumitaara'. Asma umuúqo gaaro ar taa tuuntuúk, ka waatlees, nee umuúqo gaaro ar taa luú/, ka geehhooees.

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 10:5

Doó ti data'a ta geerií oa', ‹Wayda doohúng ngu ay.›

Luka 12:4

«Kuungá' mulqer'eé', án kuungá' nu baw, kudá' slaqo ngi tsu/á' mi da'ayumitaara', ala gár aluuwo tleehhamooro i aleeslaya' i káhh.

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Yohana 14:1

«Ma amoqwaqwadiimara' baraá munerhunge. Kuungá' Mungú ugwa haratlintié', án na haratlintiaré' sleeme.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 18:9

Xweeraakari wake Aako Paulo guna baraá iigu'utúr báy, «Ma da'ayumiitaar, axweesante'eé' alki/iiteek, slám ma xasliitaar.

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

1 Korinto 1:3

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Galatia 1:3

Mungú Baabá nee Aakoorén Yesu Kristo kuungá' nu tsuuqi nee nu waydií haniisi.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 6:16

Mungú wayda ngu haniisi, nee gurtleemu, dír kudá' sleémeero naa ya/ane' kaangwí eeharto baraá slafingw'ine, tam dír múk Mungú sleémeerowo.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

Kolosai 1:2

amorhúngií alé, kuungá' múk hhohhó' oo Mungú oo baraá yaamaá Kolosai, kudá' hhaeerén awa inkihhimuú koomá' baraá Kristowo. Mungú Baabá kuungá' nu tsuuqi nee nu waydií haniisi.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

2 Tesalonike 1:2

Mungú Baabá nee Aako Yesu Kristo kuungá' nu tsuuqi nee nu waydií haniisi.

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

2 Timoteo 1:7

Asma Mungú qeeruú dae ngwa atén i haniisiiká. Gár naa haniís a Qeeruú tawa /uurúr kumiitaan, nee oo sla'aari nee oo qoomoó koóm.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 7:2

Abrahamu ilahhooa gari haniís dír Melkisedeki. Gár aa haniís a gár wák baraá umuúqo muruú mibaango kudá' i kona. Umuú Melkisedeki gídaabárós ar geera a «Waawutmoó Gan'amu.» Nee slám inós a waawutmoó Salemu, gídaabárós an «Waawutmoó Wayda».

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»